web counter
LEXO PA REKLAMA!

SHKARKO APP

App Store
Google Play

Ekstradohen 3 shqiptarë nga Gjermania dhe Italia të akuzuar për narkotikë

1 Mars 2026, 11:33, Kronika CNA

Ekstradohen 3 shqiptarë nga Gjermania dhe Italia të akuzuar për

Ekstradohen nga Gjermania dhe Italia tre shtetas të akuzuar për veprimtari kriminale në fushën e narkotikëve, ndihmë për kalim të paligjshëm dhe korrupsion.

Gjatë opracionit policot të koduar “The Wanted”,  u ekstraduan shtetasit e shpallur në kërkim ndërkombëtar: Ibrahim Anxhara alias Ibrahim Potka, 27-vjeç; Samoel Terolli alias Jetmir Hysenaj, 46-vjeç dhe Genci Balla, 51-vjeç.

Njoftimi: 

U finalizuan procedurat për ekstradimin në Shqipëri të shtetasit të shpallur në kërkim ndërkombëtar Ibrahim Anxhara alias Ibrahim Potka, 27-vjeç. Në vitin 2024, Gjykata e Korçës e ka dënuar këtë shtetas me 3 vjet e gjysmë burgim, për veprën penale “Prodhimi dhe shitja e narkotikëve”.

U krye ekstradimi nga Milano, Itali, i shtetasit Samoel Terolli alias Jetmir Hysenaj, 46-vjeç. Ky shtetas ishte shpallur në kërkim ndërkombëtar nga Interpol Tirana, pasi Gjykata e Shkallës së Parë e Juridiksionit të Përgjithshëm Lezhë, në qershor të vitit 2023, e ka dënuar me 5 vjet burgim, për veprën penale “Ndihma për kalim të paligjshëm të kufijve”, kryer në bashkëpunim.

Po nga Italia u krye ekstradimi drejt vendit tonë i shtetasit Genci Balla, 51-vjeç, banues në Durrës.

Shtetasi Genci Balla ishte shpallur në kërkim pasi Gjykata e Rrethit Gjyqësor Durrës e ka dënuar me 2 vjet e 8 muaj burgim (pjesa e mbetur e dënimit 2 vjet, 2 muaj e 23 ditë burgim), për veprën penale “Korrupsion pasiv i personave që ushtrojnë një funksion publik”.

Operacioni ndërkombëtar i koduar “The Ëanted” vijon./CNA





Lajmet e fundit nga