web counter
LEXO PA REKLAMA!

SHKARKO APP

App Store
Google Play

Dhunuan 30-vjeçarin në Pogradec me sende të forta/ Vihet në pranga një prej autorëve

27 Prill 2025, 09:28, Kronika CNA

Dhunuan 30-vjeçarin në Pogradec me sende të forta/ Vihet

Policia e Pogradecit ka vënë në pranga një person të shpallur në kërkim.

29-vjeçari D. P. ishte shpallur në kërkim pasi akuzohet se së bashku me dy persona të tjera kanë goditur me sende të forta një 30-vjeçar, të cilit i kanë shkaktuar dëmtime trupore.

Ngjarje e ndodhur më 16 prill 2025, për motive të dobëta.

Dy personat e tjerë të përfshirë në konflikt E. A., dhe N. A vijojnë të jenë ende në kërkim.

 

Njoftimi i policisë

Pogradec/Vijojnë kontrollet për kapjen e shtetasve të shpallur në kërkim.

Kapet dhe ndalohet 1 shtetas i shpallur në kërkim për veprën  penale “Plagosje e rëndë me dashje”, e kryer në bashkëpunim.

Si rezultat i kontrolleve të vazhdueshme për lokalizimin dhe kapjen e shtetasve në kërkim, bazuar dhe në informacionet e siguruara nga inteligjenca informative, specialistët për Hetimin e Krimeve të Komisariatit të Policisë Pogradec në bashkëpunim me Specialistët për Hetimin e Krimeve në Komisariatin e Policisë nr. 4 Tiranë kanë lokalizuar, kapur dhe ndaluar shtetasin:

D. P., 29 vjeç, banues në Pogradec, për veprën penale "Plagosje e rëndë me dashje", e  kryer në bashkëpunim.

Ky shtetas ishte shpallur në kërkim, pasi dyshohet se më datë 16.04.2025, në fshatin Buçimas, Pogradec, së bashku me shtetasin E. A., dhe N. A., kanë goditur me sende të forta shtetasin Dh. B., 30 vjeç, duke i shkatuar dëmtime trupore,  për motive të dobëta.

Vijon puna për kapjen e shtetasve E. A., dhe N. A. 

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme./ CNA

 





Lajmet e fundit nga