web counter
LEXO PA REKLAMA!

SHKARKO APP

App Store
Google Play

E fundit!

x

Aksioni në Fushë-Kuqe/ Policia zbulon detajet, të fortët u kapën të armatosur

12 Dhjetor 2025, 09:07, Kronika CNA

Aksioni në Fushë-Kuqe/ Policia zbulon detajet, të fortët u

Drejtoria e Forcës së Posaçme Operacionale ka finalizuar operacionin policor të koduar “Operacionalja 75”, duke arrestuar dy persona me rrezikshmëri të lartë shoqërore në një terren të vështirë pranë lumit në Fushë-Kuqe.

Të ndaluarit janë A. Xh., 42 vjeç, nga Fushë-Kruja, dhe E. M., 47 vjeç, nga Mamurrasi, të cilët ishin të shpallur në kërkim nga GJKKO dhe ndaj tyre ishte caktuar masa e sigurisë “Arrest me burg” për veprat penale: “Sigurimi i kushteve dhe mjeteve për të kryer vrasje në bashkëpunim të posaçëm të grupit kriminal” dhe pjesëmarrje në grup të strukturuar kriminal.

Gjatë kontrollit u sekuestruan: dy armë pistoletë, dy armë gjahu, municion luftarak, dy radio si ato të policisë dhe një jelek antiplumb.

Operacioni u zhvillua me shkallë të lartë rrezikshmërie, ndërsa punimet për dokumentimin e plotë dhe gjetjen e provave të tjera vijojnë.

Ky aksion vjen si pjesë e një sërë operacionesh të forcave të posaçme për kapjen e personave të shpallur në kërkim dhe goditjen e grupeve kriminale.

Reagimi i Policisë së Shtetit

Finalizohet nga Drejtoria e Forcës së Posaçme Operacionale, operacioni policor i koduar “Operacionalja 75”.

Kapen në një terren të vështirë dhe vihen në pranga dy të kërkuar me rrezikshmëri të lartë shoqërore.

Dy të kërkuarit u kapën të armatosur me armë zjarri pistoleta dhe armë gjahu.

Sekuestrohen në cilësinë e provës materiale dy armë zjarri pistoleta, dy armë gjahu, dy radio si ato të policisë, një jelek antiplumb dhe municion luftarak.

Në vijim të operacioneve të njëpasnjëshme të zhvilluara nga Drejtoria e Forcës së Posaçme Operacionale në Departamentin e Policisë Kriminale në Policinë e Shtetit, për lokalizimin, kapjen dhe ndalimin së shtetasve të shpallur në kërkim, bazuar dhe në informacionet e siguruara në rrugë operative, u finalizua operacioni policor i koduar “Operacionalja 75”.

Gjatë operacionit me shkallë të lartë rrezikshmërie, në një terren të vështirë në zonën e Fushë-Kuqes pranë lumit, në një banesë, shërbimet e Drejtorisë së Forcës së Posaçme Operacionale bënë të mundur identifikimin, lokalizimin dhe ndalimin e dy shtetasve me rrezikshmëri të lartë shoqërore, konkretisht:

A. Xh., 42 vjeç, banues në Fushë-Krujë, dhe

E. M., 47 vjeç, banues në Mamurras, të shpallur në kërkim, pasi GJKKO ka caktuar ndaj tyre masën e sigurisë “Arrest me burg”, për veprat penale:

“Sigurimi i kushteve dhe mjeteve për të kryer vrasje, në bashkëpunim të posaçëm të grupit kriminal”;

“Grup i strukturuar kriminal”;

“Kryerja e veprave penale nga grupi i strukturuar kriminal dhe organizata kriminale”.

Gjatë kontrollit, forcat e posaçme operacionale gjetën dhe sekuestruan në cilësinë e provës materiale 2 armë zjarri tip pistoletë brenda në çanta marsup, si dhe 2 armë gjahu, bashkë me municion luftarak, pa leje.

Po gjatë kontrollit u gjetën edhe 2 radio ndërlidhëse si ato të policisë dhe një jelek antiplumb.

Vazhdon puna për dokumentimin dhe gjetjen e provave të tjera./ CNA





Lajmet e fundit nga