web counter
LEXO PA REKLAMA!

SHKARKO APP

App Store
Google Play

"1500 vajza që ushtrojnë prostitucion në Tiranë"/ Eksperti: I sjellin grupet kriminale

26 Shtator 2024, 10:30, Kronika CNA
"1500 vajza që ushtrojnë prostitucion në Tiranë"/
Fotomontazh

Eksperti i sigurisë, Faik Basha, ngriti alarmin për aktivitetin e jashtëligjshëm të protistucionit dhe të eskortave në Tiranë.

Basha tha në një dalje televizive se anëtarë të grupeve kriminale dhe trafikantë po sjellin vajza nga vende të ndryshme të botës në Shqipëri, të cilat i shfrytëzojnë për prostitucion.

Sipas tij, në Tiranë mund të gjesh 1500 vajza që kryejnë këto shërbime.

“Një aktivitet në rritje i eskortave në Europë ka lulëzuar prej kohësh, por me rritjen e turistëve grupet kriminale shfrytëzojnë mundësitë dhe krijojnë rrjete prostitucioni. Janë të njëjta linja me njerëz që organizojnë aktiviteteve kriminale si trafiku i drogave, armëve dhe prostitucionit që sjell fitime marramendëse.

Është ndër aktivitete më fitimprurëse në botë. Në vitet ‘90 e kanë nisur me eksportin e femrave dhe e kanë ruajtur këtë aktivitet duke e zhvilluar në Shqipëri. Ka patur raste ku struktura ligjzbatuese kanë kryer hetime dhe duke arrestuar disa, por po të shikosh numrin e vajzave që kryejnë këtë aktivitet apo e grupeve të cilët i menaxhojnë.

Me kërkim të thjeshtë shikon në faqe të ndryshme në internet vetëm në Tiranë këto kohë 600-700 vajza në verë në vendet bregdetare dhe po kaq në Tiranë dhe qytete kryesore. Tashmë në Tiranë mund të gjesh 1500 vajza që kryejnë këtë shërbim. Turizmi është shkaku kryesor i rritjes së këtij aktiviteti kriminal, shërbimet eskortë janë shtuar shumë”, deklaroi eksperti i sigurisë./ CNA

 





Lajmet e fundit nga