web counter
LEXO PA REKLAMA!

SHKARKO APP

App Store
Google Play

14-vjeçari fshehu pistoletën/ Babai: E denoncova sa i pashë videon në "TikTok"

13 Dhjetor 2024, 15:37, Kronika CNA

14-vjeçari fshehu pistoletën/ Babai: E denoncova sa i pashë

Një ditë më parë u arrestua një nxënës i klasës së 9-të në Vlorë, të cilit iu gjet një pistoletë dhe 130 fishekë.

14-vjeçari kishte fshehur një armë zjarri pistoletë dhe rreth 130 fishekë luftarakë në një motomjet pranë një banese.

Policia po vijon punën intensive për të identifikuar personin që ia ka dorëzuar armën këtij 14-vjeçari, i cili është arrestuar për armëmbajtje pa leje.

“Në një motomjet pranë një banese u gjet një armë zjarri pistoletë me rreth 130 copë fishekë luftarakë, të cilët i kishte fshehur ky 14-vjeçar. Nga ana jonë vijon puna intensive për të identifikuar personin që ia ka dhënë armën këtij 14-vjeçari, i cili u arrestua për armëmbajtje pa leje”, tha drejtori i Policisë Vlorë, Elidon Çela.

Ndërkohë, babai i 14-vjeçarit, Bardhosh Tozaj, reagoi sot për mediat në ambientet e jashtme të Drejtorisë së Policisë së Vlorës, duke hedhur poshtë akuzat.

Ai theksoi se arma nuk është gjetur në banesën e tij, por në një ambient të pabanuar, një ndërtesë trekatëshe, duke kundërshtuar kështu versionin e policisë.

“Armën e kanë gjetur në një objekt të pabanuar 3-katësh, kanë vajtur me disa shokë e kanë gjetur, në një objekt të pabanuar kishin gjetur dhe 3 karikatorë dhe mendohet se mund të ketë municione të tjera.

Ka qarkulluar informacion sikur djali kishte armë në shkollën 9-vjeçare 'Rilindja'. Ky është lajm i rremë! Informacionin policisë ia kam dhënë, pasi djali më tregoi një video që kishte bërë me disa shokë dhe u shqetësova. Kishte një problem në shkollë, një lojë në 'TikTok' e marrin shokun e hedhin lart. Isha në mbledhje me drejtoreshën dhe mësuesin dhe shfaqa këtë shqetësim për videon e djalit, ishte e vërtetë apo pistoletë lodër. Ne u takuam me punonjësit e policisë në shkollë dhe pastaj duke dhënë informacion erdhëm në polici me telefonin, panë videon që nuk ishte lodër dhe ndoqëm rastin. Këtë informacion ia dhashë unë policisë”, theksoi babai i të miturit./ CNA





Lajmet e fundit nga