web counter
LEXO PA REKLAMA!

SHKARKO APP

App Store
Google Play

E fundit!

x

Zjarri në shtëpinë e të moshuarve/ Raportohet për 10 viktima dhe disa të plagosur

15 Nëntor 2024, 10:33, Kosova & Bota CNA

Zjarri në shtëpinë e të moshuarve/ Raportohet për 10

Të paktën 10 persona kanë humbur jetën pas zjarrit në shtëpinë e të moshuarëve në Spanjë.

Zjarri shpërtheu në qytetin e Villafranca de Ebro herët të premten në mëngjes dhe zyrtarët lokalë thanë se 82 persona jetonin në shtëpinë e të moshuarve.

Qendra u hap 16 vjet më parë si një shtëpi të moshuarish, sipas raporteve lokale, por që atëherë është specializuar në kujdesin për banorët me demencë dhe probleme të shëndetit mendor.

Shërbimet e urgjencës u alarmuan rreth orës 05:00 (04:00 GMT) të premten dhe zjarrfikësit arritën të shuanin zjarrin.

Dy persona të tjerë u dërguan në spital, duke përfshirë një person, gjendja e të cilit u përshkrua si kritike, tha kryebashkiaku i Villafranca de Ebro për radion spanjolle.

Volga Ramírez tha për Cadena Ser se tragjedia mund të jetë shkaktuar nga një dyshek me ngrohje në njërën nga dhomat.

Dëshmitarët thanë se kishte pak dëme nga zjarri në ndërtesën njëkatëshe dhe thithja e tymit mund të jetë shkaktari kryesor për humbjen e jetëve.  

Delegati i qeverisë spanjolle në rajonin e Aragón, Fernando Beltrán, shprehu ngushëllimet e tij për viktimat dhe tha se ata do të vazhdojnë të monitorojnë gjendjen shëndetësore të pacientëve që janë shtruar në spital dhe do hetojnë shkaqet e zjarrit./ CNA





Lajmet e fundit nga