web counter
LEXO PA REKLAMA!

SHKARKO APP

App Store
Google Play

E fundit!

x

Zelensky paralajmëron: Situatë tepër kritike në centralin bërthamor të Zaporizhzhias

30 Shtator 2025, 22:40, Kosova & Bota CNA

Zelensky paralajmëron: Situatë tepër kritike në centralin

Presidenti ukrainas Volodymyr Zelensky paralajmëroi sot se situata në centralin bërthamor të Zaporizhzhias, të pushtuar nga Rusia, ishte bërë kritike, me bombardimet ruse që pengojnë rikthimin e energjisë së nevojshme për të ftohur reaktorët.

Zelensky, duke folur në fjalimin e tij të përditshëm me video, tha se një nga gjeneratorët me naftë që siguronin energji emergjente nuk po funksiononte më, shtatë ditë pasi linjat e jashtme të energjisë u ndërprenë.

“Kjo është dita e shtatë. Nuk ka pasur kurrë më parë një situatë kaq emergjente në centralin e Zaporizhzhisë. Situata është kritike. Bombardimet ruse e kanë shkëputur centralin nga rrjeti elektrik”,-tha Zelensky.

Centrali i Zaporizhzhias, më i madhi në Evropë me gjashtë reaktorë, u pushtua nga trupat ruse në javët e para të pushtimit rus të Ukrainës në shkurt 2022 dhe secila palë akuzon rregullisht tjetrën për sulme që rrezikojnë sigurinë bërthamore.

Centrali  nuk prodhon energji elektrike për momentin, por ka nevojë për energji për të siguruar që karburanti në reaktorë të mbetet i ftohtë dhe të mos ndodhë shkrirje. Ishte hera e 10-të që nga fillimi i konfliktit që termocentrali është shkëputur nga rrjeti elektrik./CNA





Lajmet e fundit nga