web counter
LEXO PA REKLAMA!

SHKARKO APP

App Store
Google Play

E fundit!

x

Zelensky në Vatikan/ Takohet me Papën Leo, JD Vance dhe zyrtarë europianë të pranishëm në meshë

18 Maj 2025, 17:02, Kosova & Bota CNA

Zelensky në Vatikan/ Takohet me Papën Leo, JD Vance dhe zyrtarë

Presidenti ukrainas Volodymyr Zelensky u takua sot me Papa Leo XIV në Vatikan, pas meshës së inaugurimit të Papës. Vizita shënoi takimin e parë personal të Zelensky me papën e ri, ish-kardinalin Robert Prevost, i cili u zgjodh kreu i Kishës Katolike më 8 maj.

“Për miliona njerëz në mbarë botën, Papa është një simbol i shpresës për paqe. Autoriteti dhe zëri i Selisë së Shenjtë mund të luajnë një rol të rëndësishëm në përfundimin e kësaj lufte. Ne e vlerësojmë mbështetjen për Ukrainën dhe zërin e qartë në mbrojtje të një paqeje të drejtë dhe të qëndrueshme",-tha Zelensky në një postim në mediat sociale.

Gjatë meshës së inaugurimit, Zelensky u shoqërua nga Zonja e Parë Olena Zelenska dhe kreu i Zyrës Presidenciale Andriy Yermak. Eventi tërhoqi 250,000 pelegrinë dhe 156 delegacione të huaja, përfshirë Sekretarin e Shtetit të SHBA-së Marco Rubio dhe Zëvendëspresidentin e SHBA-së JD Vance.

Zelensky në Vatikan/ Takohet me Papën Leo, JD Vance dhe zyrtarë

Zelensky pati telefonatën e tij të parë me Papa Leo XIV më 12 maj, duke e përshkruar bisedën si të ngrohtë dhe përmbajtëse. Më 18 maj, Papa mori një listë të të burgosurve të luftës ukrainas të mbajtur nga Rusia.

Para se të bëhej papë, Leo XIV denoncoi pushtimin në shkallë të plotë të Ukrainës nga Rusia, ndërsa shërbente si Peshkop i Çiklajos në Peru. Në një intervistë të vitit 2022, ai e përshkroi atë si një pushtim të vërtetë, me natyrë imperialist, ku Rusia kërkon të pushtojë territor për arsye pushteti./CNA





Lajmet e fundit nga