web counter
LEXO PA REKLAMA!

SHKARKO APP

App Store
Google Play

E fundit!

x

Ushtria kineze publikon videon: "Të përgatitur për betejë"

13 Tetor 2024, 14:30, Kosova & Bota CNA

Ushtria kineze publikon videon: "Të përgatitur për

Ushtria kineze publikoi të dielën (13 tetor) një video propagandistike në llogaritë e saj në mediat sociale, që tregon stërvitje të ndryshme ushtarake shoqëruar me mbishkrimin: "të përgatitur për betejë".

Në videon e publikuar nga Komanda Lindore e Ushtrisë Çlirimtare Popullore, e cila ka përgjegjësinë për një zonë që përfshin Tajvanin, tregoheshin avionë dhe anije luftarake që operonin së bashku, lëshues të lëvizshëm raketash si dhe automjete sulmi amfibe, shoqëruar me një hartë të vogël të Tajvanit.

Ky zhvillim vjen pasi ministria e Mbrojtjes e Tajvanit tha në një deklaratë të dielën se një grup i marinës kineze i udhëhequr nga transportuesi 'Liaoning' kishte hyrë në ujërat pranë kanalit Bashi, që lidh Detin e Kinës Jugore me Paqësorin dhe ndan Tajvanin nga Filipinet.

Ministria e Mbrojtjes e Kinës nuk i është përgjigjur ende kërkesave për koment të dielën dhe po kështu as Zyra mbi Çështjet e Tajvanit në Kinë.

Kina, e cila e sheh Tajvanin e qeverisur në mënyrë demokratike si territorin e saj, është kundër Presidentit të tij Lai Ching-te. Ushtria kineze vepron në mënyrë rutinore rreth ishullit dhe Pekini nuk e ka përjashtuar përdorimin e forcës për të marrë kontrollin e Tajvanit.

Gjatë një fjalimi javën e kaluar Presidentit Lai Ching-te tha se Republika Popullore e Kinës nuk kishte të drejtë të përfaqësonte Tajvanin, por ai shtoi se ishulli ishte i gatshëm të punonte me Pekinin për t'u përballuar me sfida siç ishin ndryshimet klimatike. Fjalimi i tij kishte një ton sa të fortë po aq edhe pajtues, por që krijoi zemërim në Kinë./ VOA





Lajmet e fundit nga