web counter
LEXO PA REKLAMA!

SHKARKO APP

App Store
Google Play

Rusia nuk ndalet as në ditë festash/ Sulme në Ukrainë, 3 persona ndërrojnë jetë

26 Dhjetor 2022, 10:36, Kosova & Bota CNA

Rusia nuk ndalet as në ditë festash/ Sulme në Ukrainë, 3

Rusia ka thënë të hënën se e ka rrëzuar një dron të Ukrainës afër një baze ajrore ruse dhe ka raportuar se tre persona kanë mbetur të vdekur nga ky incident.

Droni thuhet se po fluturonte pranë bazës ajrore ruse Engels, ku gjenden bombarduesit strategjikë me rreze të gjatë që mund të jenë përdorur për t’i sulmuar qytetet dhe infrastrukturën ukrainase. Asnjë avion nuk u dëmtua, tha Ministria e Mbrojtjes në një deklaratë të transmetuar nga agjencitë ruse të lajmeve.

Megjithatë, një numër llogarish të paverifikuara ruse dhe ukrainase raportuan në rrjete sociale se një numër avionësh ishin shkatërruar. Agjencia e lajmeve "Reuters" nuk ka arritur t’i verifikojë në mënyrë të pavarur këto lajme.

Baza ajrore, që është një nga dy bazat strategjike ku strehohet kapaciteti bërthamor i Rusisë, ndodhet pranë qytetit të Saratovit, rreth 730 kilometra në juglindje të Moskës dhe qindra kilometra larg vijës së frontit në Ukrainë.

Nga Ukraina nuk pati reagim të menjëhershëm, mirëpo Kievi zyrtar nuk ka marrë asnjëherë publikisht përgjegjësi për sulmet brenda Rusisë. Ukraina i quan ato "karma" për nisjen e pushtimit më 24 shkurt.

E njëjta bazë ajrore ishte sulmuar edhe një herë në fillim të këtij muaji nga dronët ukrainas, sipas Rusisë./ REL





Lajmet e fundit nga