web counter
LEXO PA REKLAMA!

SHKARKO APP

App Store
Google Play

E fundit!

x

Reagon ministri Sveçla: Vuçiç e përdor Kosovën që të shkaktojë tensione në rajon

1 Prill 2024, 15:59, Kosova & Bota CNA

Reagon ministri Sveçla: Vuçiç e përdor Kosovën

Ministri i Punëve të Brendshme të Kosovës, Xhelal Sveçla, u shpreh në një intervistë televizive se situata e sigurisë në katër komunat veriore është e qetë, por edhe e brishtë.

Qasjen e Beogradit karshi Kosovës, Sveçla e ka quajtur destruktive.

Ministri Sveçla theksoi se presidenti i Serbisë, Aleksandar Vuçiç, dhe qeveria e tij kanë përdorur territorin e Kosovës që të shkaktojnë tensione edhe në rajon.

“Situata në katër komunat e veriut të Kosovës është momentalisht e qetë, por e brishtë. E brishtë për shkak të tensionimeve të kohë pas kohëshme, por edhe për shkak të një çasje destruktive të Beogradit karshi Kosovës, karshi kësaj zone, por edhe karshi edhe vetë qytetarëve tanë me kombësi serbe. Beogradi, konkretisht Vuçiq dhe qeveria e tij, varësisht prej politikave të brendshme të tyre, kanë përdorur serbët e Kosovës, kanë përdorur këtë territor që të shkaktojnë tensione jo vetëm për Republikës e Kosovës por tensione edhe në rajon e më gjerë. Duke dashur të shantazhojnë, së pari Kosovën, por edhe bashkësinë ndërkombëtare”, tha Sveçla.

Ministri i Brendshëm i Kosovës foli edhe rreth çështjes së dinarit.

Xhelal Sveçla, tha se vendimi është normal për një vend që aspiron të jetë pjesë e BE-së dhe NATO-s.

“Ne jemi shtet i pavarur dhe sovran, dhe duhet të jemi poashtu edhe një shtet normal, i pavarur dhe sovran. Nuk aspirojmë asgjë më shumë se sa të jemi një vend demokratik, ku rendi dhe ligji sundon. Dhe qoftë vendimi për dinarin, qoftë vendimet e mëhershme për targat, për energjinë elektrike, janë vendime më se normale të një vendi që aspiron të jetë pjesë e BE-së dhe NATO-s”, tha ai.

E kur jemi te dinari, sot emisari i Bashkimit Evropian, Miroslav Lajçak, bëri të ditur se të enjten do të pres për takim në Bruksel, kryenegociatorin e Kosovës, Besnik Bislimi dhe atë të Serbisë, Petar Petkoviq.

Ai tha se shpreson se do të zgjidhen mosmarrëveshjet e mbetura.

“Java para pushimit të Pashkëve ka qenë një javë e shkurtër edhe pse intensive. Të hënën prita në Bruksel kryenegociatorët e Kosovës, zëvendëskryeministrin Bislimi dhe të Serbisë, drejtorin Petkoviq, për të vazhduar diskutimet tona për gjetjen e një zgjidhjeje të zbatueshme për njerëzit e prekur nga vendimi i Bankës Qendrore të Kosovës. Në përgjithësi, ka qenë një takim i dobishëm. Të dyja palët patën mundësinë të shpjegojnë idetë dhe qëndrimet e tyre”, shkroi Sveçla./ CNA





Lajmet e fundit nga