web counter
LEXO PA REKLAMA!

SHKARKO APP

App Store
Google Play

Raportimet për "lidhjen" me dosjen "Epstein"/ Reagon ish-presidentja e Kosovës, Atifete Jahjaga

2 Shkurt 2026, 15:47, Kosova & Bota CNA

Raportimet për "lidhjen" me dosjen "Epstein"/ Reagon

Ish-presidentja e Kosovës, Atifete Jahjaga, ka reaguar lidhur me raportimet për përfshirjen e saj në dosjen “Epstein”.

Jahjaga i ka cilësuar të gjitha raportimet si të pabaza dhe të pavërteta, ndërsa thekson se si presidente e Kosovës nuk ka pasur asnjë takim apo kontakt me Jeffrey Epstein.

Ajo shton ndër të tjera, se përmendja e emrit të saj lidhet vetëm me një korrespondencë elektronike të palëve të treta.

Reagimi i plotë:

Sqarim publik

Raportimet mediatike për “lidhjen time” me dosjen “Epstein” janë tërësisht të pabaza dhe të pavërteta. Si Presidente e Republikës së Kosovës nuk kam pasur asnjëherë njohje, takim apo çfarëdo lloj kontakti me personin në fjalë.

Përmendja e emrit tim nga mediat me rastin e dokumenteve të publikuara së fundmi lidhet vetëm me një korrespondencë elektronike të palëve të treta, e cila nuk përbën dhe nuk dëshmon asnjë takim, njohje apo lidhje personale me mua. Emri im askund nuk përmendet në asnjë lloj dokumenti të publikuar.

Në këtë email te palëve të treta permendet Presidenti i Kosovës, por nuk është e qartë cili, dhe nuk permendet kerkesa per takim në emër të tij apo të saj.

Çdo raportim ndryshe është insinuate dhe mashtrim i opinionit, siç mund te verehet lehtë nga dokumentet.

Kërkoj që ky sqarim të jepet në mediat të cilat e kanë lakuar emrin tim, sidomos meqenëse as nuk e kam njohur, as takuar dhe as nuk kam kërkuar takim me personin në fjalë në asnjë pozitë që kam mbajtur deri më tani. /CNA





Lajmet e fundit nga