web counter
LEXO PA REKLAMA!

SHKARKO APP

App Store
Google Play

E fundit!

x

Oregon padit administratën Trump për vendosjen e trupave të Gardës në Portland

29 Shtator 2025, 12:18, Kosova & Bota CNA

Oregon padit administratën Trump për vendosjen e trupave të

Garda Kombëtare pritet të vendoset në Portland, Oregon, për të ndalur protestat në qendrat e grumbullimit të emigrantëve, sipas urdhrit të Trump. Sekretari i Mbrotjes, Hegseth, deklaroi dje se 200 trupa do të jenë të pranishëm në dy muajt e ardhshëm në qytet.

Padia u ngrit dje nga Prokurori i Përgjithshëm i Oregonit, Dan Rayfield, i cili e quajti veprimin provokues dhe arbitrar dhe tha se kërcënon të minojë sigurinë publike duke nxitur një protestë publike.

Trump tha se kjo do të ndihmonte në mbrojtjen e çdo prej objekteve tona të ICE-së nën rrethim nga sulmet e Antifa-s dhe terroristëve të tjerë vendas, duke e karakterizuar qytetin si të shkatërruar nga lufta, në një postim në Truth Social.

Objekti i Emigracionit dhe Doganave (ICE) në Portland është shënjestruar nga protestuesit që nga fillimi i qershorit, duke çuar edhe në përleshje të dhunshme.

Që nga 8 shtatori, Zyra e Prokurorit të SHBA-së kishte ngritur akuza federale kundër 26 personave për krime duke përfshirë zjarrvënie, sulm ndaj një oficeri policie si dhe rezistencë ndaj arrestimit.

Javën e shkuar, Trump nënshkroi një urdhër që zyrtarisht e përcaktonte Antifa-n si një organizatë terroriste vendase.

Ekspertët ligjorë kanë theksuar se nuk ka asnjë mekanizëm ligjor në SHBA që do të përcaktonte zyrtarisht ndonjë grup si një organizatë terroriste vendase. “Përpjekje të tilla mund të përballen me sfida kushtetuese sipas Amendamentit të Parë, i cili mbron lirinë e fjalës dhe të tubimit”, thanë ekspertët.

Më parë këtë vit, Trump vendosi Gardën Kombëtare në Los Angeles dhe Uashington DC. Agjentët federalë pritet të mbërrijnë në Memphis, Tennessee javën e ardhshme.

Ende s’është e qartë nëse presidenti ka bazë ligjore për të vendosur forca federale në Oregon./ CNA





Lajmet e fundit nga