web counter
LEXO PA REKLAMA!

SHKARKO APP

App Store
Google Play

E fundit!

x

Nuk dënoi sulmin e Iranit/ Izraeli shpall 'non grata' sekretarin e OKB-së

2 Tetor 2024, 19:18, Kosova & Bota CNA

Nuk dënoi sulmin e Iranit/ Izraeli shpall 'non grata' sekretarin

Ministri Jashtëm i Izraelit ka bërë të ditur se sekretarit të përgjithshëm të Kombeve të Bashkuara, Antonio Guterres i është ndalur të hyjë në vendin e tij, pasi ai nuk e ka dënuar sulmin raketor të Iranit.

Irani hodhi të martën më shumë se 180 raketa drejt Izraelit dhe nga ana tjetër Guterres lëshoi po atë ditë një deklaratë të shkurtër, duke iu referuar vetëm “sulmeve të fundit në Lindjen e Mesme” dhe duke dënuar “përshkallëzimin e vazhdueshëm të konfliktit”.

Më herët të martën, Izraeli dërgoi trupa në Libanin jugor.

Ministri i Jashtëm izraelit, Israel Katz, tha se fakti që Guterres nuk e përmendi Iranin, e bën atë person të padëshirueshëm në Izrael.

“Kushdo që nuk mund ta dënojë qartazi sulmin e urryer të Iranit kundër Izraelit, siç bënë pothuajse të gjitha vendet e botës, nuk e meriton të shkelë në tokën izraelite”, tha Katz.

“Izraeli do të vazhdojë t’i mbrojë qytetarët e tij dhe ta ruajë dinjitetin e tij kombëtar, me ose pa Antonio Guterresin”, shtoi ai.

Shumica e raketave të Iranit u kapën në ajër, por disa depërtuan përmes mbrojtjes raketore. Megjithatë, nuk u raportua për viktima.

Kryeministri i Izraelit, Benjamin Netanyahu, tha se Irani bëri “gabim të madh” me sulmin raketor kundër Izraelit dhe u zotua se do të hakmerret.

 





Lajmet e fundit nga