web counter
LEXO PA REKLAMA!

SHKARKO APP

App Store
Google Play

E fundit!

x

Netanyahu mbledh kabinetin qeveritar, zotohet se do ta “shkatërrojë” Hamasin

15 Tetor 2023, 15:13, Kosova & Bota CNA
Netanyahu mbledh kabinetin qeveritar, zotohet se do ta
Kryeministri I Izraelit, Benjamin Netanyahu

Kryeministri i Izraelit, Benjamin Netanyahu, e ka mbledhur kabinetin emergjent qeveritar për herë të parë të dielën, duke thënë se uniteti kombëtar i shpërfaqur ditëve të fundit ka dërguar mesazh brenda dhe jashtë shtetit.

Takimi është mbajtur në selinë e ushtrisë në Tel Aviv, dhe ka nisur me një minutë heshtje për t’i nderuar 1.300 izraelitët e vrarë nga grupi militant Hamas, më 7 tetor.

Duke e mirëpritur ligjvënësin opozitar, Benny Gantz, i cili i është bashkuar qeverisë bashkë me disa anëtarë të partisë, Netanyahu ka thënë se të gjithë ministrat janë duke punuar “pa orar, në një front të përbashkët”.

“Hamasi ka menduar se do të na shkatërrojë. Jemi ne ata që do ta shkatërrojmë Hamasin”, ka thënë Netanyahu, duke shtuar se shfaqja e unitetit dërgon mesazh te “kombi, armiku dhe bota”.

Ushtria izraelite është duke u përgatitur për një ofensivë në Gaza, për ta luftuar Hamasin.

Ajo i ka urdhëruar mbi 1 milion palestinezë që të shpërngulen nga veriu në jug të Gazës.

Kombet e Bashkuara i kanë kritikuar urdhrat për evakuime dhe kanë paralajmëruar për katastrofë humanitare.

Ushtria izraelite ka bombarduar shënjestra të Hamasit në Gaza, prej sulmeve të pashembullta të grupit militant ndaj civilëve izraelitë në fundjavën e kaluar./ REL





Lajmet e fundit nga