web counter
LEXO PA REKLAMA!

SHKARKO APP

App Store
Google Play

Ndryshimet klimatike/ Paralajmërimi i fortë i Papa Leonit XIV: Toka po bie në rrënim

3 Korrik 2025, 08:05, Kosova & Bota CNA

Ndryshimet klimatike/ Paralajmërimi i fortë i Papa Leonit XIV: Toka po

“Në një botë ku më të brishtët janë të parët që vuajnë efektet shkatërruese të ndryshimeve klimatike, kujdesi për krijimin bëhet çështje feje dhe humanizmi”.

Ky është një nga fragmentet e mesazhit kushtuar Ditës Botërore të Lutjes për Kujdesin e Krijimit 2025, e cila bie në shtator. Papa kujton nevojën që fjalët të ndiqen me vepra.

Papa Leo XIV në mesazhin e tij paralajmëron se Toka po shkatërrohet, po bie në rrënim.

"Fenomenet ekstreme natyrore, të shkaktuara nga ndryshimet klimatike, pasojë e veprimtarive njerëzore, po rriten në forcë dhe frekuencë."

Shqetësimi i Papës Prevost bëhet më i rëndë, kur kujton se ka “efekte afatmesme dhe afatgjata të shkatërrimit njerëzor dhe ekologjik, shkaktuar nga konfliktet e armatosura”, edhe mungesë ndërgjegjësimi kur shkatërrimi i natyrës prek, mbi të gjithë më të varfrit.

 “Në këto dinamika, krijimi shndërrohet në fushëbetejë për kontrollin e burimeve jetësore, siç dëshmohet nga zonat bujqësore dhe pyjet, të rrezikshme për shkak të minierave, politikës së ‘tokës së djegur’, konflikteve që shpërthejnë rreth burimeve të ujit, shpërndarjes së pabarabartë të lëndëve të para, duke penalizuar popullatat më të ligështa dhe duke minuar vetë stabilitetin shoqëror. Këto plagë të ndryshme janë pasojë e mëkatit”, shkruan akoma Papa Leoni XIV.

Drejtësia ambientale nuk mund të konsiderohet më koncept abstrakt ose qëllim i largët, por “nevojë urgjente, që shkon përtej mbrojtjes së thjeshtë të ambientit”. Është fjala për drejtësi sociale, ekonomike dhe antropologjike./ CNA





Lajmet e fundit nga