web counter
LEXO PA REKLAMA!

SHKARKO APP

App Store
Google Play

Ndërron jetë edhe një i burgosur politik në Bjellorusi

1 Nëntor 2024, 22:00, Kosova & Bota CNA

Ndërron jetë edhe një i burgosur politik në Bjellorusi

Një 22-vjeçar rus, që ishte dënuar me 12 vjet burgim nën akuza për spiunazh dhe “lehtësim të aktiviteteve ekstremiste”, ka ndërruar jetë në një burg në Bjellorusi. Kështu tha më 1 nëntor qendra për të drejtat e njeriut, Vyasna.

Informacionet paraprake sugjerojnë se Dmitriy Schletgauer ka ndërruar jetë më 11 tetor, më pak se një muaj pasi ishte transferuar në burgun numër 15 të Mogilevit.

Shkaku i vdekjes së tij nuk është zbuluar.

Schletgauer më herët gjatë vitit ishte gjykuar për dy nene të Kodit Penal, pasi ishte arrestuar gjatë shtypjes së disidencës pas zgjedhjeve të kontestuara presidenciale të vitit 2020. Këto zgjedhje, liderit autoritar bjellorus, Alyaksaandr Lukashenka, i dhanë mandatin e gjashtë presidencial.

Schletgauer është i burgosuri i shtatë politikë që ndërron jetë në burgjet në Bjellorusi, që nga shtypja e protestave.

Schletgauer u lind në Sllavgorod të Rusisë dhe kishte fituar leje qëndrimi në Bjellorusi më 2018.

Në burgjet bjelloruse janë më shumë se 1.500 të burgosur politikë. Në mesin e tyre ka gazetarë, aktivistë të të drejtave të njeriut dhe politikanë.

Shtetet perëndimore nuk i njohin rezultatet e zgjedhjeve presidenciale të vitit 2020 dhe BE-ja ka vendosur sanksione ndaj Minskut për shkak të shtypjes së pjesëmarrësve në këto protesta./ VOA





Lajmet e fundit nga