web counter
LEXO PA REKLAMA!

SHKARKO APP

App Store
Google Play

E fundit!

x

Më 15 mars tubim masiv/ Protestat paralizojnë dhe këtë të premte Beogradin

7 Mars 2025, 17:52, Kosova & Bota CNA

Më 15 mars tubim masiv/ Protestat paralizojnë dhe këtë

Protestat në Serbi kanë vijuar dhe këtë të premte. Në kryeqytet, Beograd dhe disa qytete mijëra njerëz iu janë përgjigjur thirrjeve të studentëve për të qenë pjesë e marshimeve kundër korrupsionit në Serbi.

Marshime të cilat filluan pas shembjes së çatisë në stacionin hekurudhor të Novi Sadit nëntorin e vitit 2024, e cila shkaktoi 15 viktima. Kjo ngjarje shkaktoi protesta kundër qeverisë së Aleksandar Vuçiç.

Studentët që qëndrojnë pas protestave kanë këmbëngulur për përgjegjësi të plotë, gjë që ka fituar mbështetje të gjerë në mesin e qytetarëve të Serbisë, të cilët janë kryesisht të zhgënjyer me politikanët dhe kanë humbur besimin në institucionet shtetërore.

Shumë dyqane, bare dhe restorante në Serbi ditën e sotme  u mbyllën në mbështetje të universiteteve dhe shkollave ku mësimet janë pezulluar për më shumë se tre muaj. 

Në Beograd, një kolonë e madhe njerëzish ecte në rrugët përreth zonës në qendër të qytetit duke kaluar pranë ndërtesave qeveritare. Studentët marshues thanë se protesta e tyre paraqiti një 'prelud' për një tubim masiv të planifikuar më 15 mars në Beograd./ CNA

 





Lajmet e fundit nga