web counter
LEXO PA REKLAMA!

SHKARKO APP

App Store
Google Play

Lavrov: Nëse trupat e BE vendosen në Ukrainë, do të përballen me përgjigje

10 Dhjetor 2025, 15:40, Kosova & Bota CNA

Lavrov: Nëse trupat e BE vendosen në Ukrainë, do të

Ministri i Jashtëm rus, Sergei Lavrov, ka folur për përpjekjet e Shteteve të Bashkuara mbi një zgjidhje paqësore të konfliktit në Ukrainë, duke akuzuar Bashkimin Europian se po përpiqet t'i pengojë këto tentativa.

Moska dhe Uashingtoni kanë rënë dakord të vazhdojnë përpjekjet për t'i dhënë fund konfliktit në Ukrainë, tha Lavrov, duke vënë në dukje se Presidenti Trump është i vetmi udhëheqës perëndimor, i cili sipas tij menjëherë pas hyrjes në Shtëpinë e Bardhë në janar, filloi të kuptonte arsyet që e bënë luftën në Ukrainë të pashmangshme. Ministri rus u shpreh më tej se Bashkimi Europian po mashtron veten duke besuar se mund ta mposhtë Rusinë.

“Bashkimi Europian duke investuar të gjithë kapitalin e tyre politik në luftën me Rusinë, duke përdorur duart dhe trupat e qytetarëve ukrainas, ata, në verbërinë e tyre politike, mashtrojnë veten se mund ta mposhtin disi vendin tonë. Siç theksoi Presidenti Putin, ne nuk kemi ndërmend të shkojmë në luftë me Europën, nuk kemi mendime të tilla", tha Lavrov.

Ai shtoi më tej se Moska do t'i përgjigjet çdo veprimi armiqësor, përfshirë vendosjen e njësive ushtarake europiane në Ukrainë dhe sekuestrimin e pronës ruse. BE, sipas Lavrov-it, po e pengon artificialisht procesin e zgjidhjes diplomatike të çështjes, ndërsa Trump gjithashtu i është referuar kësaj. 

"Europa po përpiqet në çdo mënyrë të nxisë Zelensky-n dhe anëtarët e regjimit të tij të vazhdojnë luftën derisa të vritet ukrainasi i fundit. Kjo ngarkesë ideologjike ndikohet nga arsye ekonomike, pasi ata nuk kanë burime të tjera financimi përveç grabitjes së Rusisë dhe marrjes së rezervave tona të arit dhe valutave të huaja, duke shkelur ligjin ndërkombëtar dhe tregtar", tha ai. /CNA





Lajmet e fundit nga