web counter
LEXO PA REKLAMA!

SHKARKO APP

App Store
Google Play

E fundit!

x

Kongresi amerikan miraton projektligjin për publikimin e dosjeve të Epstein

19 Nëntor 2025, 07:52, Kosova & Bota CNA

Kongresi amerikan miraton projektligjin për publikimin e dosjeve të

Të dyja dhomat e Kongresit amerikan ranë dakord t’i kërkojnë Departamentit të Drejtësisë të SHBA-së të publikojë dosjet e tij mbi abuzuesin seksual, Jeffrey Epstein. Dhoma e Përfaqësuesve e miratoi projektligjin me shumicë dërrmuese vendimin, ku 427 votuan pro dhe 1 kundër. Senati e miratoi unanimisht me shpejtësi pa një votim formal.

Lëvizjet vijnë vetëm disa ditë pasi Presidenti Donald Trump ndryshoi qëndrimin e tij dhe i kërkoi Kongresit të votojë të zbulojë të dhënat pas kundërshtimit publik nga shumë prej mbështetësve të tij. Javën e kaluar, Trump dhe lidhjet e tij me Epstein u rikthyen në titujt kryesorë të lajmeve pasi u publikuan më shumë se 20,000 faqe dokumentesh, disa prej të cilave përmendnin presidentin. Shtëpia e Bardhë mohoi çdo pretendim.

Projektligji kërkon që Prokurorja e Përgjithshme Pam Bondi të publikojë të gjitha të dhënat, dokumentet, komunikimet dhe materialet hetimore të paklasifikuara që lidhen me Epstein dhe bashkëpunëtoren e tij, Ghislaine Maxwell, jo më vonë se 30 ditë pas miratimit të ligjit.

Këto materiale përfshijnë komunikime të brendshme të Departamentit të Drejtësisë, regjistra fluturimesh dhe njerëz e subjekte të lidhura me Epsteinin. Por projektligji i jep gjithashtu Bondit fuqinë për të mbajtur sekret informacionin që do të rrezikonte çdo hetim aktiv federal ose që do të identifikonte ndonjë viktimë.

Epstein, u gjet i vdekur në qelinë e tij të burgut në New York në vitin 2019, në atë që një mjek ligjor e cilësoi si vetëvrasje. Gjatë dy hetimeve penale ndaj Epstein, u mblodhën mijëra dokumente, duke përfshirë transkripte të intervistave me viktima dhe dëshmitarë.

Javën e kaluar, demokratët në Komitetin Mbikëqyrës të Dhomës së Përfaqësuesve publikuan tre zinxhirë emailesh, përfshirë korrespondencën midis Epstein dhe Maxwell, e cila aktualisht po vuan një dënim me 20 vjet burg për trafikim seksual. /CNA





Lajmet e fundit nga