web counter
LEXO PA REKLAMA!

SHKARKO APP

App Store
Google Play

FBI bastis shtëpinë e ish-këshilltarit të sigurisë kombëtare, John Bolton

22 Gusht 2025, 16:38, Kosova & Bota CNA

FBI bastis shtëpinë e ish-këshilltarit të sigurisë

FBI-ja bastisi sot shtëpinë e John Bolton, ish-këshilltarit të sigurisë kombëtare të presidentit amerikan Donald Trump. Agjentët hynë në rezidencën private të Bolton në Bethesda, një lagje e pasur në veriperëndim të Uashingtonit, si pjesë e një hetimi mbi përdorimin e dyshuar të dokumenteve të klasifikuara nga ish-zyrtari i lartë, sipas raporteve nga Neë York Post dhe agjencia AP.

Bolton ishte këshilltari i tretë i sigurisë kombëtare gjatë mandatit të parë të Trump, duke shërbyer për 17 muaj.

Gjatë asaj periudhe, ai u përplas shpesh me presidentin se si të vepronte në një gamë të gjerë çështjesh gjeopolitike, nga Koreja e Veriut, deri në Afganistan dhe Irak.

Pas dorëheqjes së tij, ish-këshilltari botoi një kujtim, me titull “Dhoma Ku Ndodhi”, rreth kohës së tij në Krahun Perëndimor të Shtëpisë së Bardhë. Zyra presidenciale u përpoq të bllokonte botimin e librit, duke pretenduar se përmbante materiale të klasifikuara.

Më 20 janar, ditën e inaugurimit të Trump për mandatin e tij të dytë, Trump nënshkroi një urdhër për të revokuar certifikatat e sigurisë të rreth 50 ish-zyrtarëve të lartë nga administrata e tij, përfshirë Boltonin. Presidenti urdhëroi gjithashtu largimin e agjentit të sigurisë së ish-këshilltarit të tij./CNA





Lajmet e fundit nga