web counter
LEXO PA REKLAMA!

SHKARKO APP

App Store
Google Play

E fundit!

x

Atentatet me armë ndaj presidentëve të SHBA-së, 4 prej tyre janë ekzekutuar

14 Korrik 2024, 10:20, Kosova & Bota CNA
Atentatet me armë ndaj presidentëve të SHBA-së, 4 prej tyre
Atentati ndaj Ronald Reagan

Një atentat me armë zjarri ka ndodhur të shtunën gjatë një tubimi të ish-presidentit Donald Trump në Pensilvani. 20-vjeçari Matthew Crooks qëlloi me armë në drejtim të ish-presidentit, të cilin e plagosi në njërin vesh. 

Trump ndodhet në gjendje të mirë shëndetësore, jashtë rrezikut për jetën. Nga të shtënat me armë mbeti i vrarë një mbështetës i Trump-it, si dhe u plagosën 2 të tjerë. Autori u ekzekutua nga forcat e sigurisë. 

Ky nuk është atentati i parë ndaj presidentëve apo kandidatëve për presidendë në SHBA. 

Shumë presidentë dhe ish-presidentë dhe kandidatë për president janë sulmuar në historinë e SHBA-së, sipas një raporti të CNN. 

-Presidenti Andrew Jackson: Në epokën e para Luftës Civile, ai u qëllua teksa merrte pjesë në një funeral në Kapitol. Agresori qëlloi dy herë.

-Presidenti Theodore Roosevelt: Ashtu si Trump, ai po përpiqej të kthente punën e tij të vjetër gjatë fushatës së vitit 1912. Ai u qëllua gjatë rrugës për një fjalim në Milwaukee nga një person. 

-Presidenti Franklin D. Roosevelt: Ai ishte president i zgjedhur kur një person qëlloi mbi të në Miami në 1933. Agresori, Guiseppe Zangara, nuk mundi të kapte Roosevelt, por vrau kryebashkiakun e Çikagos Anton Cermak.

-Presidenti Harry Truman: Ai mori presidencën pasi Roosevelt vdiq dhe u qëllua përballë Shtëpisë së Bardhë nga nacionalistët portorikanë në 1950.

-Guvernatori i Alabamës, George Wallace: Segregacionisti kandidoi për herë të tretë për president në vitin 1972 dhe u qëllua pas një tubimi jashtë Uashingtonit. Të shtënat e lanë të paralizuar nga beli e poshtë.

-Presidenti Gerald Ford: Ai u përball me dy tentativa për vrasje në vitin 1975. 

-Presidenti Ronald Reagan: Ai u qëllua në vitin 1981 jashtë "Hilton" në Uashington, pasi mbajti një fjalim. Sekretari i tij i shtypit, James Brady, u plagos më rëndë se Reagan.

-Presidenti Barack Obama: Një burrë nga Idaho u akuzua për tentativën e vrasjes së Obamës kur ai qëlloi me armë zjarri në Shtëpinë e Bardhë në vitin 2011.

-Katër presidentë, Abraham Lincoln, James A. Garfield, William McKinley dhe John F. Kennedy, janë vrarë./CNA 





Lajmet e fundit nga