web counter
LEXO PA REKLAMA!

SHKARKO APP

App Store
Google Play

E fundit!

x

“Do të votoj për çlirimin e Veriut të Kosovës”, studiuesi Rexhep Qosja: Albin Kurti riktheu sovranitetin!

27 Janar 2025, 15:43, Kosova & Bota CNA

“Do të votoj për çlirimin e Veriut të

Shkrimtari dhe studiuesi, Rexhep Qosja, në një shkrim të gjatë rreshton disa nga arsyet se përse në moshën 89-vjeçare nuk do të hezitojë, por do të shkojë dhe të ushtrojë të drejtën e votës në Kosovë, për herë të dytë pas vitit 2000. Ai, thekson se kryeministri Albin Kurti, i riktheu sovranitetin Kosovës në veriun e saj si dhe e pastroi atë nga grupet kriminale serbe.

“Votimet e shkurtit 2025 do të jenë hera e dytë kur do ta ushtroj këtë të drejtë. Pse Rexhep Qosja do të votojë në këto zgjedhje në moshën tetëdhjetenëntëvjeçare? Do të votoj sepse votimi, sidomos në zgjedhjet e përgjithshme, shtetërore, është obligim shoqëror, kulturor, etik e kombëtar.

“Do të votoj për çlirimin e Veriut të

Do të votoj sepse Veriun e Kosovës të përtej Urës së Ibrit, atë hapësirë shumë të çmuar e të pasur të Kosovës, të sunduar prej serbëve edhe pas luftës çlirimtare të UÇK-së, Vetëvendosja me Albin Kurtin Kryeministër ia ktheu sovranitetit të Kosovës dhe e pastroi prej krimit të organizuar të serbëve, kur e kur të serbëve në bashkëpunim me disa shqiptarë, që ndodhnin atje.

Do të votoj sepse bisedimet me Beogradin Albin Kurti i quan të pashmangshme e të rëndësishme, duke i kushtëzuar me njohjen e pavarësisë së Kosovës nga ana e Serbisë, sepse sovranitetit të Kosovës Vetëvendosja me Albin Kurtin Kryeministër ia ktheu edhe komunat në të cilat serbët ushtronin pushtet paralel të paligjshëm.

Do të votoj sepse Vetëvendosja me Kryeministër Albin Kurtin, padyshim, e ka ngritur prestigjin vendor dhe ndërkombëtar të politikës së Kosovës”.

Ndër të tjera, Rexhep Qosja shton se do të votojë edhe për një politikë largpamëse, e cila kontribuon në bashkimin e pashmangshëm mes Kosovës dhe Shqipërisë.

“Do të votoj për çlirimin e Veriut të

“Unë do të votoj në moshën... ja, tetëdhjetenëntëvjeçare, për Kosovën demokratike të çliruar prej korrupsionit e të këqijave të tjera të shumta, që cenojnë, e pengojnë demokracinë dhe virtytet kombëtare.

Unë do të votoj për një politikë të dinjitetshme të bazuar në largpamje me përkushtim shoqëror, shpirtëror, kulturor, etik, kombëtar të kohezionit mes Shqipërisë e Kosovës, mes diasporës e atdheut, e cila i kontribuon si duhet e sa duhet cilësorisht e sasiorisht idealit historik atdhetar: Bashkimit të pashmangshëm të Kosovës e Shqipërisë”. /CNA





Lajmet e fundit nga