web counter
LEXO PA REKLAMA!

SHKARKO APP

App Store
Google Play

E fundit!

x

Dialogu Kosovë-Serbi/ Kallas: Plan për të zhvilluar vizitë në muajin maj

15 Prill 2025, 15:35, Kosova & Bota CNA

Dialogu Kosovë-Serbi/ Kallas: Plan për të zhvilluar vizitë

Shefja e politikës së jashtme të BE-së, Kaja Kallas, njoftoi se ka në plan të vizitojë Kosovën dhe Serbinë muajin e ardhshëm.

Duke folur pas takimit të Këshillit të Punëve të Jashtme në Luksemburg, Kallas tha në një konferencë për shtyp se vizita do të zhvillohej më vonë gjatë muajit maj.

“Sa i përket Serbisë dhe Kosovës, është e qartë se normalizimi i marrëdhënieve të tyre është i një rëndësie të madhe. Për këtë arsye, dialogu ndërmjet Beogradit dhe Prishtinës duhet të vazhdojë”,-tha Kallas për dialogun.

Dialogu politik ndërmjet Kosovës dhe Serbisë është në një momet ndërprerjeje që nga shtatori i vitit 2023 për shkak të tensioneve në veri të Kosovës, ku po zhvillohen vetëm bisedime në nivel të kryenegociatorëve.

Kallas së fundmi shprehu interesin e BE-së për të parë përparim drejt normalizimit, përmes dialogut apo mjeteve të tjera.

"Ndoshta është dialog, ndoshta është një mjet tjetër. Unë jam gati ta shqyrtoj këtë çështje dhe do ta bëj këtë së bashku me Përfaqësuesin Special për dialogun, Peter Sorensen në ditët në vijim",-tha shefja e diplomacisë.

Gjatë konferencës së 14 prillit, Kallas diskutoi gjithashtu procesin e zgjerimit të BE-së dhe integrimin e mundshëm të shteteve të Ballkanit Perëndimor.

“Nëse shikojmë hartën, Ballkani Perëndimor gjeografikisht është në Evropë, duhet të jetë edhe në Bashkimin Evropian dhe për këtë arsye, procesi i zgjerimit është shumë i rëndësishëm dhe ne duhet të ecim përpara me të”,-tha Kallas./CNA

 

 





Lajmet e fundit nga