web counter
LEXO PA REKLAMA!

SHKARKO APP

App Store
Google Play

E fundit!

x

Dëshmia në Senatin amerikan/ Rubio: Duhen më shumë sisteme të mbrojtjes ajrore për Ukrainën

21 Maj 2025, 14:57, Kosova & Bota CNA

Dëshmia në Senatin amerikan/ Rubio: Duhen më shumë sisteme

Shtetet e Bashkuara po punojnë me partnerët e NATO-s për të gjetur sisteme shtesë të mbrojtjes ajrore ‘Patriot’ për Ukrainën, tha Sekretari i Shtetit i SHBA-së, Marco Rubio, gjatë dëshmisë në Senat mbi buxhetin e Departamentit të Shtetit.

Ukraina ka paralajmëruar vazhdimisht se kapaciteti i saj aktual i mbrojtjes ajrore është i pamjaftueshëm për t'iu kundërvënë shkallës së sulmeve të intensifikuara me raketa dhe dronë të Rusisë.

“SHBA-ja po kërkon që mjetet ‘Patriot’ të jenë në gjendje të transferohen nga vendet e tjera të NATO-s në duart e Ukrainës",-u tha Rubio ligjvënësve.

Rubio shtoi se asnjë vend nuk është i gatshëm të heqë dorë nga këto sisteme dhe SHBA-ja nuk mund t'i prodhojnë ato në sasi të mjaftueshme në kohë të shpejtë.

Siç raportohet në mediat ukrainase, Kievi ka kërkuar më shumë mjete për të mbrojtur qytetet dhe infrastrukturën.

Në një intervistë më 13 prill me "CBS News", Presidenti Volodymyr Zelensky tha se Ukraina është gati të blejë 10 sisteme ‘Patriot' të prodhuara në SHBA për 15 miliardë dollarë./CNA





Lajmet e fundit nga