Xhihadisti dënohet me tre vjet burg! Kishte planifikuar të kryente një akt terrorist me dron gjatë një

2022-10-24 18:14:12, Sport CNA

Një zëdhënës i Gjykatës kombëtare të audiencës, përgjegjëse për gjykimin e rasteve të terrorizmit në Madrid, njoftoi të hënën se një xhihadist ishte dënuar me tre vjet burg "pas një marrëveshjeje midis palëve".

I pandehuri, Mohammed Yassi Amrani, ka arritur një marrëveshje me Ministrinë Publike, në bazë të së cilës ka pranuar faktet, ndërkohë që dhe prokurori ka tërhequr akuzën për krimin e pjesëmarrjes aktive në organizatë terroriste.

Kështu ai e ka reduktuar kërkesën e tij në tre vite burg, për veprën penale të vetë-trajnimit dhe vetë-indoktrinimit. Për pasojë, kryetari i gjykatës, Francisco Javier Vieira, ka miratuar kërkesën e prokurorit dhe njoftuar vendimin se i pandehuri do të dënohet me tre vjet burg.

Mohammed Yassi Amrani u arrestua më 8 maj 2020 nga policia në Barcelonë, pasi kishte projektuar për llogari të Shtetit Islamik, një sulm me dron gjatë ‘El Clasicos’ mes FC Barcelona dhe Real Madrid. Nuk ishte caktuar një datë specifike se kur do të kryhej ky akt terrorist, për shkak se kampionati spanjoll u pezullua gjatë asaj periudhe për shkak të pandemisë Covid-19.