web counter
LEXO PA REKLAMA!

SHKARKO APP

App Store
Google Play

U largua nga Azerbajxhani, De Biasi: Një tjetër kombëtare, jam në bisedime...

2023-11-22 17:52:00, Sport CNA

U largua nga Azerbajxhani, De Biasi: Një tjetër kombëtare, jam

Trajneri Gianni De Biasi, u largua nga drejtimi i Azerbajxhanit, por nuk ka ndërmend të qëndrojë pushim për shumë gjatë.  

67-vjeçari regjistroi 39 ndeshje në pankinën e azerëve, me një bilanc: 10 fitore, 8 barazime dhe 21 humbje.

Kontrata i përfundoi pas eliminatoreve të Euro 2024, me Azerbajxhanin që e mbylli grupin F në vendin e katër me 7 pikë.

De Biasi ka zgjedhur të mos rinovojë, ndërkohë që nuk ka ndërmend të ndalet. Dhe i ka të qarta idetë e së ardhmes.

"Në të ardhmen nëse është e mundur do të kërkoja një kombëtare tjetër, ka diçka dhe shpresojmë se do të materializohet, por derisa të nënshkruhet është më mirë të mos flasim", tha ish-trajneri i Shqipërisë.

 "Shpresoj për përvojën që kam dhe për atë që kam treguar se mund të gjej një përzgjedhje që do të më japë mundësinë të luftoj për të arritur majat dhe për t'u kualifikuar për diçka. Tani më pëlqen dimensioni i ekipeve kombëtare, angazhimet e përqendruara por të largëta që të lejojnë të punosh në mënyrë objektive”, shtoi De Biasi.

De Biasi drejtoi kombëtaren e Shqipërisë nga dhjetori i vitit 2014 deri në qershorin e vitit 2017.

Duke shkruar historinë me kuqezinjtë, të cilët nën drejtimin e tij siguruan për herë të parë kualifikimin në një kompeticion të rëndësishëm si Europiani Francë 2016.





Lajmet e fundit nga