web counter
LEXO PA REKLAMA!

SHKARKO APP

App Store
Google Play

E fundit!

x

Trajneri Kolela plot befasi, shkon me dy mungesa në Rrogozhinë

2023-04-07 15:17:57, Sport CNA

Ndeshja e së hënës mes Partizanit dhe Egnatias do të luhet pa praninë e tifozëve, çka do të thotë se as tifozët e Partizanit nuk do të mund të udhëtojnë drejt Rrogozhinës për të ndjekur ndeshjen në stadium.

Kujtojmë se Egnatia është dënuar për të luajtur pa tifozë deri në fund të sezonit, pas trazirave në ndeshjen ndaj Teutës. Me siguri do të kemi një numër të madh rrogozhinasish në tarracat e ndërtesave përreth stadiumit.

Partizani zhvilloi paraditen e djeshme stërvitjen e radhës në kuadër të përgatitjeve për ndeshjen e së hënës ndaj Egnatias në Rrogozhinë në orën 15:00.

Në fushë kanë qenë të gjithë të pranishëm, teksa i vetmi në dyshim për këtë sfidë është maqedonasi Atanaskoski. Mbrojtësi i majtë është një nga pikat kyçe të ekipit, por një dëmtim e la jashtë ndaj Teutës dhe pritet të ndodhë e njëjta gjë edhe në sfidën e së hënës në Rrogozhinë.

Ndërkohë, siç dihet, mungesë e sigurt është Viktor da Silva, i cili u ndëshkua në Durrës dhe plotësoi numrin katër të kartonëve. Kolela gjatë seancave të kësaj jave është munduar të ambientojë skuadrën sa më shpejt me ndryshimet e skemave brenda lojës. Italiani është shumë i befasishëm në lidhje me skemat e tij, pasi bën ndryshime ndeshje pas ndeshjeje. Kjo pritet të ndodhë edhe ndaj Egnatias.





Lajmet e fundit nga