web counter
LEXO PA REKLAMA!

SHKARKO APP

App Store
Google Play

Qatip Osmani: Vllaznia i ka kualitetet të fitojë ndaj Laçit

2023-11-10 14:32:00, Sport CNA

Trajneri i Vllaznisë, Qatip Osmani, foli për mediat, në prag të sfidës me Laçin. Ai mohoi të ketë pasur përplasje në skuadër pas humbjes me Partizanit.

Osmani deklaroi se skuadra e tij, i ka mundësitë dhe kualitetet të fitojë ndaj Laçit, pavarësisht mungesave.

"Nuk ka pasur asnjë përplasje në ekip. Ndoshta një shqetësim për atë lojë me Partizanin, por çdo gjë normale pas një loje që e humbën.

Shikoj një shqetësim për këto rezultate që janë. Momentalisht ekipit i duhet një qetësi maksimale për lojën me Laçin.

Ne kemi pasur shumë gabime individuale. Dhe golat që i pësuam nga këto gabime erdhën. Për mendimin tim nuk duhet t’i pësonim ato gola.

Edhe kartoni i Bekim Balajt dhe lëndimet na detyrojnë të ketë ndryshime. Do të ketë, por jo shumë.

Besoj se mundësitë janë për katërshe. Vendi i katërt me të fundit janë tre pikë diferencë. Kampionati është i tillë që me një seri fitoresh merr një krah tjetër.

Ne mendojmë vetëm për fitore. Laçi është një ekip taktikisht shumë i disiplinuar. Lojërat që ka humbur, nuk i ka humbur me më shumë se një gol diferencë. Megjithatë Vllaznia ka kualitet për ta fituar këtë ndeshje.", tha Osmani. 





Lajmet e fundit nga