web counter
LEXO PA REKLAMA!

SHKARKO APP

App Store
Google Play

Publikohen formacionet zyrtare/ Kumbulla titullar në Kupën e Italisë, shikoni si rreshtohen Roma dhe Xhenoa

2023-01-12 20:26:19, Sport CNA

Publikohen formacionet zyrtare/ Kumbulla titullar në Kupën e

Do të startojë në orën 21:00, dueli mes Romës dhe Xhenoas i vlefshëm për Kupën e Italisë. Kryeqytetasit e Zhoze Murinjos, janë favoritë absolutë në letër përballë xhenovezëve të Xhilardinos që militojnë në Serinë B italiane. Te Roma nga minuta e parë në këtë duel aktivizohet dhe mbrojtësi i Kombëtares, Marash Kumbulla, që kërkon të fitojë vendin e titullarit edhe në kampionat.  

Kualifikimi në Kupën e Italisë në çerekfinale nuk është vetëm një detyrim për skuadrat e mëdha italiane, por është edhe një burim i mirë të ardhurash.

Siç raporton “Calcio e Finanza”, në përfundim të kompeticionit do të jenë plot 7 milionë euro që do të shkojnë në arkat e fituesit, ndërkohë që për finalisten tjetër të kompeticionit shpërblimi do të jetë 5 milionë të tilla.

Shifra të tilla vijnë pasi secila prej skuadrave përfiton në total një shumë prej 3 milionë eurosh për mbërritjen deri në finale dhe më pas 2 milionë për finalen dhe 2 për triumfin, të ardhura këto, të cilave do t’u shtohen edhe paratë e grumbulluara nga shitja e biletave.

ROMA (3-4-2-1): Rui Patrisio; Mançini, Kumbulla, Ibanjez; Zalevski, Matiç, Bove, El Sharaui; Zaniolo, Pelegrini; Abraham. Trajner: Zhoze Murinjo.

XHENOA (5-3-2): Josep Martinez; Sabeli, Dragusin, Bani, Vogliaço, Czyborra; Badelj, Sturaro, Galdames; Jalcin, Koda. Trajner: Alberto Xhilardino.





Lajmet e fundit nga