web counter
LEXO PA REKLAMA!

SHKARKO APP

App Store
Google Play

Plas keq në ndeshjen e kampionatit shqiptar/ Lojtari shpërthen në të shara ndaj arbitrit, dy kartonë të kuq

2023-11-06 15:52:00, Sport CNA

Java e gjashtë e kampionatit të Kategorisë së Dytë në futboll është shoqëruar me tension dhe dy kartonë të kuq në ndeshjen Pogradeci-Butrinti.

Gjithçka ka ndodhur kur luhej minuta e 11-të e kësaj ndeshje dhe futbollisti Jaupaj ka pretenduar për një ndërhyrje të parregullt nga një futbollist i Pogradecit, por gjyqtari i ndeshjes Egli Spahiu kishte tjetër mendim dhe vazhdoi lojën.

Kaq ka mjaftuar dhe futbollisti sarandjot sipas gjyqtarit nuk ka kursyer të sharat ndaj tij. Në rrethana të tilla, gjyqtari i ndeshjes ka nxjerrë kartonin e kuq, teksa është rrethuar nga futbollistët e Butrintit, por dhe ata të stolit, trajnerit dhe zyrtarët e klubit për të mos e lejuar për të kryer veprimin.

Loja është ndërprerë për më shumë se tetë minuta pasi futbollistë, trajnerë dhe zyrtarë të klubit janë marrë gjatë me gjyqtarin e ndeshjes Egli Spahiu.

Është dashur ndërhyrja e zyrtarëve të FSHF-së për të rikthyer e njëherë tjetër normalitetin që loja të vijonte normalisht.

Me karton të kuq është nxjerrë nga pankina dhe një zyrtar i klubit. I gjithë ky tension vjen dhe për shkak se pogradecarët dhe sarandjotet kërkojnë kalimin direkt në kategorinë e parë





Lajmet e fundit nga