web counter
LEXO PA REKLAMA!

SHKARKO APP

App Store
Google Play

E fundit!

x

Pike kthen në fushë Ronaldinjon! Legjenda debuton me një batutë epike: Të vrapojë dikush tjetër…

2023-02-28 18:28:30, Sport CNA

Kings League, kampionati i futbollit 7 kundër 7 që organizohet nga Zherard Pike, ka parë këtë javë të zbresë në fushë një legjendë të vërtetë të futbollit botëror, brazilianin Ronaldinjo. 42-vjeçari ka varur prej vitesh këpucët në gozhdë, por është kthyer përsëri për të treguar talentin e tij në turneun me rregulla të veçanta që organizon ish-mbrojtësi i Barcelonës.

Sipas rregullores së turneut, skuadrat mund të afrojnë një ish-yll të futbollit apo një VIP çdo javë dhe skuadra e Porcinos FC, kishte ftuar pikërisht Dinjon. Para tij, emra si Kasijas, Aguero apo Çavi kishin treguar talentin e tyre në fushë në këtë turne që po tërheq shumë vëmendje në rrjetet sociale.

Ronaldinjo nuk ia doli të ndihmonte skuadrën e tij të fitonte sfidën, teksa refuzoi të gjuante një penallti. Gjyqtari iu drejtua duke e pyetur nëse do të gjuante ai dhe Dinjo nuk ngurroi të bënte një batutë epike. “Unë nuk do të vrapoj, të vrapojë dikush tjetër”, tha braziliani, duke bërë që edhe gjyqtari të shpërthente në të qeshura. Ekzekutimi i penalltive në këtë turne është i veçantë pasi lojtarët duhet të vrapojnë me topin në këmbë nga mesfusha.





Lajmet e fundit nga