web counter
LEXO PA REKLAMA!

SHKARKO APP

App Store
Google Play

Dëmtimet një makth për Çelsin, Tiago Silva mbyll sezonin

2023-02-28 15:38:00, Sport CNA

Përtej merkatos së yjeve, në shtëpinë e Çelsit nuk është për asgjë një moment i mirë. Jo vetëm në anën e rezultateve sportive, por tani edhe për shkak të dëmtimeve. Në fakt, klubi nga Londra do të duhet të mbetet, kjo më shumë sesa e sigurtë, deri në fund të sezonit, pa Tiago Silvën. Mbrojtësi brazilian, sikurse është qartësuar në një komunikatë të bluve, ka pësuar këputje të ligamentit të kryqëzuar dhe do të duhet të mbyllë përpara kohe sezonin sportiv. Ish-futbollisti i Milanit dhe i Paris Sent Zhermen është ndier keq gjatë derbit me Totenhemin, që më pas është humbur nga blutë.

Në faqen e internetit të Çelsit dhe në rrjetet sociale zyrtare është i mundur të lexohet shënimi: “Pasi është dëmtuar në gju gjatë gjysmës së parë të ndeshjes të së dielës ndaj Totenhemit, Tiago ka qenë në një vlerësim më serioz të situatës dhe është kryer dhe një skanim për mundësinë e kthimit të tij në seancën stërvitore në qendër të hënën. Rezultatet e skanimit nga ato vlerësime konfirmuan dëmtimin e ligamentit të gjurit të Tiago Silvës dhe ai tani do të punojë ngushtë me departamentin mjekësor të klubit gjatë rehabilitimit të tij për t'u kthyer në lojë sa më shpejt të jetë e mundur".

 





Lajmet e fundit nga