web counter
LEXO PA REKLAMA!

SHKARKO APP

App Store
Google Play

E fundit!

x

Eneo Bitri rrëfen eksperiencën çeke: Ka ritëm të lartë, pas 80 minutash isha i lodhur

2023-02-27 19:15:08, Sport CNA

Eneo Bitri debutoi dje me klubin çek të Banik Ostravës, ku u transferua në muajin janar. Pasditen e sotme ishte në një lidhje direkte me emisionin “Analizë Kuqezi”, ku foli për ambientimin dhe ndjesitë që po përjeton në futbollin çek.

Klubi i ri ka ngjyrat bardheblu, por ti nuk e heq të kuqen nga trupi…
Më vjen keq për ngjyrat që ka klubi, nuk i ndryshojmë dot ato.

Si ka qenë ambientimi në klubin e ri?
Ishte debutim i vonshëm, por në kohën e duhur, pasi më duhej të ambientohesha disi. E mendoja ndryshe dhe më të lehtë, por ka qenë gjithçka shumë e vështirë. Programi stërvitor ka qenë shumë ndryshe dhe gjithashtu më ka penguar një dëmtim. Duhej të debutoja fundjavën e kaluar, por një kontraktim bëri që ta shtynim për një javë. Mora kohën e mjaftueshme për t’u ambientuar dhe tani besoj se jam përshtatur si duhet me ekipin. Dje erdhi edhe ndeshja, ku besoj se kam bërë mirë në aspektin personal, pavarësisht se ekipi humbi.

Duke parë shifrat, ndeshja juaj dje ka qenë shumë e mirë…
Këtu është një futboll krejt ndryshe dhe ritmi këtu është shumë më i lartë sesa në Ballkan. Nuk ka shuëm ndalesa loje dhe nuk merren lehtë faullet. Dje vura re se pas minutës së 80’ po ndjehesha i lodhur. Kjo është edhe ajo që më ka penguar të arrij ambientimin e menjëherëshëm. Megjithatë dalëngadalë do të arrij formën time më të mirë.





Lajmet e fundit nga