web counter
LEXO PA REKLAMA!

SHKARKO APP

App Store
Google Play

Një nga arkitektët në fitimin e titullit për Napolin, kalon te Juventusi në verë

2023-05-09 18:05:12, Sport CNA

Cristiano Giuntoli është padyshim një nga arkitektët e Napolit, që ia doli të rikthehet te titulli kampion në Itali, pas 33 vitesh.

Drejtori Sportiv i napolitanëve ka bërë një punë fantastike me evidentimin dhe blerjen e elementëve të talentuar si Kvaratskhelia, Anguissa, Osimhen, Kim Min Jae, etj., të cilët dhanë kontributin më të çmuar për ekipin.

Aftësitë e Giuntolit nuk kanë kaluar pa u vënë re nga klubet e mëdha dhe sipas mediave italiane, drejtori sportiv i Napolit me shumë gjasa do të bëjë të njëjtën punë te Juventusi, duke nisur nga vera e këtij viti.

I gjendur në këtë situatë, Aurelio De Laurentiis ka nxituar të gjejë menjëherë pasuesin e Giuntolit dhe emri i përzgjedhur është ai i Pietro Accardit, aktualisht drejtor Sportiv i Empolit.

Accardi ka një të shkuar si futbollist te Napoli dhe e njeh mirë ambientin, teksa puna te toskanët ka konfirmuar se është një njohës i mirë i talenteve të reja, gjë të cilën synon edhe De Laurentiis.

Vetë Accardi ka pranuar interesin e Napolit, ndonëse me diplomaci është shprehur se vijon të mendojë për Empolin, megjithatë vera pritet të sjellë edhe hapin e madh të tij në karrierë.





Lajmet e fundit nga