web counter
LEXO PA REKLAMA!

SHKARKO APP

App Store
Google Play

Madridi ‘në këmbë’ për derbin e 230-të, Atlético përballë Realit në ‘Metropolitano’

2022-09-17 09:48:08, Sport CNA

Atlético dhe Real Madrid kanë luajtur në 229 gjatë historisë së tyre. ‘Metropolitano’, të dielën në orën 21:00, do të jetë derbi i 230-të në të gjitha garat.

Bilanci i rezultateve të 229 derbeve të luajtur deri më sot, është 113 fitore për Real Madridin, 60 barazime dhe 56 fitore për Atleticon, me 374 gola për ‘los blancos’ dhe 282 të shënuar nga Atletico. Në La Liga, kompeticionin të cilit i përket përballja e radhës, janë 170 përplasje:  90 fitore për Madridin, 41 barazime dhe 39 fitore për Atléticon.

Simeone dhe Ancelotti janë një pjesë shumë e rëndësishme e historisë së derbit. Si trajnerë përkatësisht të Atléticos dhe Real Madridit, ata do të përballen për të 16-tën herë midis tyre. 

Derbet me Ancelottin dhe Simeone në pankinë, kanë nisën më 28 shtator 2013 me fitoren e Atléticos në Ligë në Bernabéu (0-1). Atë sezon do të kishte edhe katër të tjera: një barazim në ndeshjen e dytë të Ligës, dy fitore të pastra në gjysmëfinalet e Kupës dhe fitore në Lisbonë në finalen e Ligës së Kampionëve. Pas derbit të radhës, Ancelotti do të jetë trajneri me të cilin është përballur më së shumti me Simeonen.





Lajmet e fundit nga