web counter
LEXO PA REKLAMA!

SHKARKO APP

App Store
Google Play

LIVE KATAR-EKUADOR/ Zhgënjejnë organizatorët, pjesa e parë mbyllet me dy gola (VIDEO)

2022-11-20 17:53:38, Sport CNA

Dueli i vendit organizator, Katarit, me Ekuadorin është sfida që hap Botërorin 2022. Të dy skuadrat kanë ambicie të kalojnë fazën në grupe të turneut ndaj kjo sfidë në Grupin A do të jetë shumë e veçantë.

Duke pasur parasysh që kush gabon, do ta ketë shumë të vështirë për të vazhduar më tej në turne, nga një grup që ka në përbërje edhe Holandën e Senegalin, kjo sfidë bëhet e një rëndësie të veçantë për të dy ekipet.

LIVE KATAR-EKUADOR 0-2
16′ (p), 31′ Valencia


NGJARJET KRYESORE:

42’-44’ Shqetësim për Ekuadorin pasi Valencia, autori i dy golave, mbetet në tokë pas një goditje në këmbë dhe bën shenjë që e ka të vështirë të vazhdojë. Ai largohet nga fusha i shoqëruar nga mjekët e ekipit për t’u kthyer duke çaluar, për të rezistuar deri në pushimin e ndeshjes.

31’ GOOOL EKUADORI! Është përsëri Valencia ai i cili dërgon topin në rrjetë. Këtë herë me një gjuajtje me kokë pas një krosimi nga e djathta.

20’ Ekuadori vazhdon të sulmojë duke parë se ekipi i vendit organizator nuk duket në lartësinë e duhur në këtë sfidë dhe e ka të vështirë të krijojë rrezikshmëri.

16’ GOOOL EKUADORI! Këtë herë vjen goli i parë i vërtetë i Botërorit. Valencia fiton penallti dhe e shënon vetë në tentativën nga pika e bardhë.

3’-5′  Shënon EKUADORI! Pas pak minutash lojë vjen goli  parë, kur në një goditje dënimi, portieri i vendasve del në mënyrë të gabuar dhe i jep mundësinë Valencias të dërgojë topin në rrjetë me një gjuajtje me kokë. Por më pas është gjyqtari i cili bën me shenjë se goli duhet anuluar për një pozicion jashtë loje.

1′ Nis ndeshja e parë e Katar 2022.





Lajmet e fundit nga