web counter
LEXO PA REKLAMA!

SHKARKO APP

App Store
Google Play

“Kthehu në pankinë!”, Skukës i anulojnë zëvendësimin dhe e aktivizojnë vetëm 30 sekonda

2023-02-25 22:06:11, Sport CNA

“Kthehu në pankinë!”, Skukës i anulojnë

Xhuliano Skuka është ende duke u përshtatur me lojën e skuadrës së Metz në kampionatin francez dhe kjo është arsyeja pse minutazhi i ish-sulmuesit të Partizanit me këtë skuadër mbetet ende i limituar. Por ajo që ka ndodhur sot me sulmuesin ka qenë paksa e pazakontë.

Skuka ishte në stolin e rezervave për skuadrën e Metz në ndeshjen ndaj Nim, ku skuadra e tij shënoi me anë të Mikauladze dhe Maziz në secilën pjesë të ndeshjes dhe ishte në kontroll të plotë. Por trajneri nuk e aktivizoi sulmuesin shqiptar deri në fund të sfidës.

Skuka u sinjalizua të hynte në fushë kur regjistrohej minuta e 91-të e duelit, por në mënyrë të çuditshme, atij iu tha që të kthehej përsëri në pankinë edhe pse gjithçka ishte gati, pasi Mikaulidze duhej të rrinte në fushë edhe për atë aksion sulmues.

Rasti nuk u kthye në gol dhe pak çaste më vonë, në 30 sekondat e fundit të ndeshjes, Skuka hyri në fushën e lojës, sigurisht pa pasur mundësinë që të tregonte atë që dinte të bënte. Një zëvendësim i kryer më shumë që Mikaulidze, i cili është në garën për golashënuesin më të mirë të kampionatit me 12 gola, të merrte duartrokitjet e publikut.





Lajmet e fundit nga