web counter
LEXO PA REKLAMA!

SHKARKO APP

App Store
Google Play

Kolela “fërkon duart”/ Dy afrimet e merkatos së janarit gati për të dielën

2023-02-08 21:42:01, Sport CNA

Sabit Bilali nga dita e djeshme ka shlyer dënimin e dhënë nga federata e Maqedonisë së Veriut dhe do të jetë i gatshëm për lojë në ndeshjen e radhës për të kuqtë ndaj Bylisit në kampionat.

Siç dihet, ai qe dënuar me 3 muaj pezullim për ndeshjen ndaj skuadrës së Akademia Pandev, me mesfushorin, që vishte fanellën e Shkëndijës deri më 1 janar. 25-vjeçari goditi me grusht dhe shqelm një prej kundërshtarëve dhe u përball me 6 muaj pezullim, që më pas u reduktuan në 3 të tillë. Ai pritet të jetë titullar në ndeshjen e radhës në Ballsh për shkak se largimi i Rrapajt ka hapur një gropë të madhe dhe Bilali shihet si zëvendësuesi ideal i talentit vlonjat. E njëjta gjë do të ndodhë edhe për Remzifaik Selmanin.

Klubi pritet të rregullojë gabimin e dokumentacionit të sulmuesit, teksa është thuajse e kryer se do të jetë gati për sfidën e ardhshme. Edhe ish-sulmuesi i Renovës dhe Shkëndijës pritet të luajë në këtë ndeshje për shkak se sulmuesit e tjerë kanë qenë hija e vetvetes dhe Kolelës nuk i mbetet asnjë zgjidhje tjetër veçse të provojë 25-vjeçarin nga Tetova.





Lajmet e fundit nga