Karriera e Icardit është në prag humnere/ Nga Champions League te amatorët e kategorisë së pestë

2022-08-11 18:14:27, Sport CNA

Trajneri i ri, Christophe Galtier, mbërriti te PSG në rolin e atij qe perzgjedh dhe paketon te ashtuquajturit “skrap”… Ata i kërkuan të shpaketonte ekipin, të nxirrte nga skuadra ato pjesë që janë bërë te tepert dhe aspak funksional për projektin, ta ndante dhe ta rindërtonte sepse koha e miliardave kot ka mbaruar edhe pse klubi është në duart e një prej presidentëve më të pasur në botë.

Mesazhi i nisur me zë të lartë dhe të qartë është një, drejtuar atyre lojtarëve që nuk përshtaten në planet e klubit dhe trajnerit të ri: gjeni një tjetër strehim dhe shpejt madje. Julian Draxler, Idrissa Gueye, Ander Herrera, Layvin Kurzawa dhe Mauro Icardi janë emrat që përfunduan pas dërrasës së zezë.

Të gjithëve iu ritheksua se nuk ka më hapësirë: të vendosur mënjanë, ata mund të stërviten në orare të ndryshme dhe me teknikë të tjerë nga stafi zyrtar stërvitor. Ish-sulmuesi argjentinas i Interit, Mauro Icardi, jeton një moment të veçantë në Paris, i kapur në kontrollin e bisedave për jetën e tij private (dhe një tjetër rrjedhje e lajmeve për tradhtinë e supozuar dhe gatishmërinë për t’u divorcuar nga gruaja / agjentja e tij, Wanda Nara) dhe një karriere që ka marrë një kthesë të keqe.

Ai kishte mbërritur në Francë me dekoaratat si bomber ne Serie A, kishte pasur edhe ëndrrën për të garuar për të fituar Ligën e Kampionëve, por realiteti doli të ishte krejt ndryshe. Maurito tani konsiderohet i tepërt, diçka për t’u hequr qafe, një barrë (edhe) për afërsisht 10 milionë eurot në sezon që merr.

“Ne po kërkojmë zgjidhjen më të mirë, mund të riniset nga këtu”, pranoi tekniku në konferencën për shtyp. I paguar shumë, ai kurrë nuk arriti të kuptojë përvojën e tij nën Kullë, të fitojë besim të pakushtëzuar dhe një punë të qëndrueshme përpara. Ai ishte vrasës në zonën e penalltisë, tani mungon. Por nuk është vetëm faji i tij.

Galtier preferoi Hugo Ekitiké, një sulmues shumë i ri 20-vjeçar i huazuar me të drejtë shpengimi nga Reims, dhe i parë tashmë në fushe në debutimin e tij në Ligue 1 kundër Clermont-Foot.

Një lëvizje që nxjerr në pah vendimin e PSG-së për ta vendosur Icardin në listën e shitjeve dhe, ndërkohë, për ta mbajtur të parkuar në harresë të tepricave në pritje të akomodimit, pavarësisht se ka një kontratë të pasur deri në vitin 2024.

Sipas mediave franceze, rreziku më i madh real që ai ka është të gjendet në Championnat National 3, që është e barabartë me divizionin e pestë francez ku luan ekipi i dytë i PSG. Si ka mundësi që të përfundojë mes amatorëve?

Është hipoteza më e vështirë dhe më katastrofike për amerikano-jugorin dhe është ajo që duket se parashikohet nëse ai nuk jep dorëheqjen për të gjetur një kompani tjetër. Por nuk është kaq e thjeshtë.

Në Serie A është Monza që i ka vënë sytë, por ardhja e tij në klubin e sapograduar nga Brianza mund të ndodhë vetëm në kushte të caktuara ekonomike dukshëm më të ulëta se trajtimi aktual. Për pjesën tjetër, e vetmja siguri që ekziston për momentin është se përjashtohet çdo mundësi transfertash që nuk sigurojnë të ardhura të një niveli të caktuar.