web counter
LEXO PA REKLAMA!

SHKARKO APP

App Store
Google Play

Josa: Nuk e mbaj mendjen te dy humbjet, jemi të përqendruar vetëm te Kukësi

2023-02-06 20:15:37, Sport CNA

Trajneri i Vllaznisë, Mirel Josa, ka folur para mediave, në prag të sfidës që skuadra e tij do të luajë me Kukësin.

Josa deklaroi se përqendrimi është vetëm te ndeshja e nesërme dhe jo te ajo e radhës ndaj Tiranës. Tekniku kuqeblu, deklaroi se nuk e ka mendjen te dy humbjet e kaluara të skuadrës.

"Është ndeshje shumë e rëndësishme, jo për faktin  se Kukësi po rritet, por se po luajmë me Kukësin. Është një skuadër që i ka dhënë tonin futbollit gjatë viteve të fundit. Ne personalisht duhet të shohim veten tonë ku jemi dhe objektivat për të shkuar më lart. Normal që Kukësi është riformuar këtë periudhë të lëvizjes së lojtarëve. Kanë ditur të marrin rezultate. Ndeshje e rëndësishme. Te gjitha ndeshjet i shoh në perspektivën e së ardhmes.

Nuk e mbaj mendjen te dy humbjet, por e mbaj mendjen tek ndeshja nesër, është komplet ndryshe. Pas ndeshjes me Kukësi do shohim ndeshjen tjetër që luajmë me Tiranën.

Ne përsëri kemi dy lojtarë jashtë. Kemi një Boshnjak i cili është në dyshim, është stërvitur, por që të vijë në gjendjen e lojtarëve që janë në lojë do punë. Kemi një Latif që është stërvitur pa probleme do të shohim si do të veprojmë nesër. Por do të kem lojtarë që më janë përgjigjur gjatë kësaj periudhe, qoftë ndeshjeve që kemi humbur qoftë atyre që kemi fituar.", u shpreh Josa. 





Lajmet e fundit nga