web counter
LEXO PA REKLAMA!

SHKARKO APP

App Store
Google Play

Ish-trajneri i Shqipërisë: E kam fituar Championsin edhe kur nuk isha favorit, Real-Siti është finalja e vërtetë

2023-05-08 14:17:30, Sport CNA

Mesjava do të sjellë dy ndeshjet gjysmëfinale të Ligës së Kampioneve. Real Madrid-Mançester Siti dhe Milan-Inter janë dy takimet që do të përcaktojnë skuadrat që do të shkojnë në finalen e madhe të Stambolli.

Në prag të këtyre takimeve, ka folur ish-trajneri i Kombëtares, Kristian Panuçi. Në një intervistë për mediat italiane, Panuçi si fillim ka vlerësuar figureën e Xhanluka Vialit që ka ndërruar jetë kohë më parë, teksa u ndal edhe te analiza e dy ndeshjeve të tjera.

“Nëse Xhanluka do ta dinte që ne të gjithë jemi të trishtuar, ai do të zemërohej, kështu që të përpiqemi të buzëqeshim.

Euroderbi? Lojtarët duhet të jenë të lumtur që do të luajnë në një gjysmëfinale kaq të rëndësishme të Ligës së Kampioneve. Është e qartë që kur është derbi ka diçka të veçantë por janë dy ndeshje dhe është vështirë të thuhet se kush kalon sepse të dyja kanë bërë mirë në Europë dhe kanë cilësi. Ne do të shijojmë dy ndeshje.

Në vitin ’98 ne fituam një Champions me Realin si jo favoritë. Liga e Kampioneve është e veçantë. Disa skuadra si Bajerni nuk kishte fat në short ndërsa italianet kishin fat. Për mua, finalja e vërtetë është Mançester Siti – Real Madrid por normalisht që në një ndeshje mund të ndodhë gjithçka. Megjithatë i shoh spanjollët dhe italianët si më të favorizuar. Personalisht, e shoh Sitin mbi të tjerat.

Euroderbit e mëparshëm janë zgjidhur gjithmonë në ndeshjen e dytë. Me rregullin e hequr për golin në fushë kundërshtare, ndeshja e dytë bëhet edhe më e rëndësishme. Ndoshta ndeshja e parë përfundon 3-0 për njërën apo tjetrën, por jam i bindur se gjithçka do të vendoset në ndeshjen e dytë”, u shpreh Panuçi.





Lajmet e fundit nga