web counter
LEXO PA REKLAMA!

SHKARKO APP

App Store
Google Play

Gvozdenovic ka pretendime: Arbitri ngriti flamurin kur nisi festa e golit

2023-12-17 19:34:00, Sport CNA

Trajneri i Skënderbeut, Ivan Gvozdenovic, foli për MCN, pas ndeshjes ku skuadra e tij u mposht nga Laçi.

Gvozdenovic deklaroi se skuadra reagoi pas golit, ndërsa kishte edhe pretendime për arbitrimin. Sipas tij, arbitri anësor ngriti flamurin për të anuluar golin, kur nisi festa e skuadrës.

"Nuk ishim shumë të nervozuar, ishim ashtu vetëm në 5 minutat e fundit. ishim të mërzitur vetëm për rezultatin. Ishte një moment i mirë, për të fituar dhe për të vazhduar në rrugën e duhur. Ky është futbolli dhe do të bëjmë analizën.

Të gjithë lojtarët nga pankina bënë maksimumin. Laçi qëndronte pas me 11 lojtarë. Edhe fusha ishte e vështirë. Skuadra reagoi, iu afruam golit.

Në pjesën e dytë jemi 4-2-4, që të krosonim nga krahët. Ishim afër portës dhe Laçi u mbrojt shumë fort. Edhe fusha ndikoi, por edhe kundërshtari që qëndroi prapa. Skuadra reagoi. Unë nuk komentoj për arbitrat dhe VAR, por kur dëgjoj nga specialistët që na u hoq një penallti, s’kam çfarë them.

Nikaj është lojtar dhe djalë shumë i mirë. Sot nuk u fut mirë dhe nuk kishim kohë të humbisnim një lojtar. Jam i habitur për golin e anuluar. Është e çuditshme, sepse arbitri e ngriti flamurin vetëm kur nisi festa e golit.", tha Gvozdenovic. 





Lajmet e fundit nga