web counter
LEXO PA REKLAMA!

SHKARKO APP

App Store
Google Play

E fundit!

x

Cristian Shpendi në Serinë A, vjen konfirmimi

2024-04-24 12:57:00, Sport CNA

Cristian Shpendi në Serinë A, vjen konfirmimi

Cristian Shpendi, ishte një nga lojtarët më të spikatur dhe më meritorët, për ngjitjen e Cesena-s, nga Seria C, në Serinë B italiane.

20 golat e shënuar dhe 6 asistet këtë sezon, kanë bërë që në gjurmët e talentit shqiptar, të vihen edhe klube nga elita e futbollit italian.

Drejtori i Cesena-s, Fabio Artico, zbuloi se ka pasur interesime nga Seria A, por nuk është marrë një vendim, pasi priten ofertat, që do të shqyrtohen në verë.

“Me paraqitjet e këtij sezoni, Shpendi ka treguar se mund të jetë pjesë e rëndësishme e skuadrës në Serie B. Muajt ??e fundit ka pasur skuadra nga Serie A që kanë shfaqur interes për të. Më vonë do të vlerësojmë se cilat do të jenë ofertat e tyre dhe cila do të jetë rruga më e mirë për të ardhmen e djalit dhe të klubit. Për momentin është e vështirë të thuhet nëse ai do të qëndrojë, ne duhet të ulemi dhe të bisedojmë.

Shpendi i dha një vlerë të veçantë ngjitjes në Serie B, ishte vendimtar për skuadrën. Fitorja me lojtarë nga sektori i të rinjve sigurisht që dha një shije tjetër, ishte shumë e këndshme dhe mbi të gjitha dha një mësim të madh. Ne kemi treguar se gjërat mund të bëhen mirë edhe me lojtarët e rinj”, theksoi Artico.

Nëse transferohet në Serinë A, Cristiani, aty do të gjente edhe vëllain e tij binjak, Stiven Shpendin, i cili është pjesë e skuadrës së Empolit.





Lajmet e fundit nga