web counter
LEXO PA REKLAMA!

SHKARKO APP

App Store
Google Play

Brazil, shpallja e listës së lojtarëve kthehet në ankth për Tite: Nuk fle dot gjumë, gruaja më thotë…

2022-11-05 12:25:22, Sport CNA

Pak ditë nga shpallja e listës me 26 lojtarët e thirrur për Katar 2022, që duhet të bëhet të hënën, Botërori dhe zgjedhja e lojtarëve të Brazilit janë kthyer në obsesion për trajnerin Tite. Rrëfimin e ka bërë vetë trajneri i 5 herë kampionëve të Botës.

"Ankthi më shoqëron dhe zgjohem gjithmonë në 4 të mëngjesit - ishin fjalët e Tite për "Esporte Espetacular "- Gruaja ime është mësuar me këtë, dhe kur nervozohem dhe shkelmoj në shtrat më thotë të qëndrojë i qetë. Ajo më thotë të përpiqem të fle më shumë, por mendimi i grumbullimit më shqetëson.

Ka sportistë, por para së gjithash vjen personaliteti i tyre dhe njeriu duhet të respektohet gjithmonë. Unë kam për detyrë të shpreh mirënjohjen time për të gjithë ata që janë, ose kanë qenë pjesë e këtij grupi. Do të ketë zgjedhje të diktuara nga arsye teknike, por respekti për të gjithë do të jetë gjithmonë".

Tite, i cili tashmë ka bërë të ditur se pas këtij Botërori do të largohet nga pankina e kombëtares pavarësisht se çfarë do të sjellë Botërori, ka treguar se do të kishte dashur të jepte dorëheqjen menjëherë pas humbjes në çerekfinale të Botërorit 2018 kundër Belgjikës.

“Kam folur për këtë me familjen time dhe vetëm pas kësaj kam ndërruar mendje – tha trajneri brazilian –. Katër vite të tjera më dukeshin si një përjetësi dhe nuk e dija nëse do të më lejonte kultura që ekziston në futbollin në Brazil. Të kem durim. Kam ecur lart e poshtë në shëtitoren Barra da Tijuca të paktën 500 herë, dhe kam folur shumë për këtë me gruan dhe fëmijët e mi, pastaj kuptova se mund të qëndroja".

Tite ka drejtuar Brazilin që nga gushti i vitit 2016 dhe nën komandën e tij Seleacco ka arritur 57 fitore, 18 barazime dhe 5 humbje në 76 ndeshje, me një përqindje suksesi prej 81.14%.





Lajmet e fundit nga