web counter
LEXO PA REKLAMA!

SHKARKO APP

App Store
Google Play

Analist në studio dhe delegat i Federatës, ish-futbollisti dënohet për tentativë trukimi të ndeshjes në Kosovë

2023-04-19 17:19:56, Sport CNA

Komisionet Disiplinore në Federatën e Futbollit të Kosovës kanë dhënë sot një dënim paksa të veçantë. Ish-futbollisti Arben Zeqiri, aktualisht një delegat i FFK-së, është gjobitur me 300 euro gjobë sepse ka tentuar të manipulojë rezultatin e një ndeshje të rinjsh.

Sipas “koha.net”, Zeqiri është dënuar lidhur me kërkesat që i kishte bërë gjyqtarëve për ta ndihmuar skuadrën e Dritës. Zeqiri, në karrierën e tij si futbollist ishte pikërisht pjesë e Dritës.

“Delegati Arben Zeqiri në ndeshjen e xhiros së 21-të të Superligës së kadetëve Drita – Ulpiana, sipas gjyqtarit të ndeshjes, ka kërkuar nga treshja e gjyqtarëve që të ndihmohet skuadra e Dritës, pasi i duhen pikët dhe gjatë tërë takimit dhe në meslojë ka bërë presion ndaj gjyqtarëve së bashku me trajnerin vendas.

Pas përfundimit të ndeshjes delegati ju ka drejtuar gjyqtarit kryesor me fjalët ‘bërllog e bane, a të thash të kesh kujdes se Dritës i nevojiten pikët’”, shkruhet në vendimin e FFK-së rreth Zeqirit i cili është gjithashtu analist në studiot televizive rreth futbollit në Kosovë.





Lajmet e fundit nga