web counter
LEXO PA REKLAMA!

SHKARKO APP

App Store
Google Play

E fundit!

x

“Provo të bllokosh zbatimin e vendimit të gjykatës”/ Berisha, paralajmëron Ramën

2023-01-19 20:18:00, Politikë CNA
“Provo të bllokosh zbatimin e vendimit të gjykatës”/
Kryetari i Partisë Demokratike, Sali Berisha

Kryetari i Partisë Demokratike, Sali Berisha ka paralajmëruar kryeministrin Edi Rama për zbatimin e vendimit të gjykatës, të dhënë nga Agron Zhukri më 25 mars 2022.

Berisha tha në një intervistë me Sonila Meçon se nëse nuk lejohet zbatimin i këtij vendimi, opozita do të ngrihet për të bërë revolucion.

“Ne nuk do të shuhemi, por do të ngrihemi me të gjithë forcën në një revolucion që nuk e ka parë Shqipëria ndonjëherë për të mbrojtur pluralizmin në Shqipëri. E them këtu dhe le ta provojë.

Këtu nëse pluralizmi politik, nëse fati i një demokracie përcaktohet nga një urdhër ekzekutiv për të mbajtur peng vendimin e gjykatës, këtu është fundi. Kjo nuk është gjë tjetër, vetëm asgjësimi i forcës politike dhe pluralizmit. Kjo është dorëzimi i zgjedhjeve.

Nëse ai merr logon, dhe na heq logon ne dhe ne shkojmë me një flamur tjetër në zgjedhje vetëkuptohet që të paktën minimumi 10% e njerëzve do të vinin në shpi për shkak të flamurit. Ky është një mekanizëm për të vjedhur zgjedhjet. Ne do të bëjmë një betejë për jetë ose vdekje të forcës tonë politike. Protesta të papara ndonjëherë.

Nuk po zbatohet vendimi i gjykatës. Unë po veproj për të zbatuar vendimin e gjykatës. Në botë nuk ka forcë që mund të pengojë regjistrimin e një force apo shoqate politike. Ne nuk kemi asnjë lloj tagri për tu dorëzuar para një urdhri ekzekutiv që nuk lejon. Gjykata ka vendosur, unë nuk kam asgjë me gjykatën, sepse ajo ka marrë një vendim”, theksoi kreu i demokratëve./ B.A. – CNA.al

 





Lajmet e fundit nga