web counter
LEXO PA REKLAMA!

SHKARKO APP

App Store
Google Play

PD, nesër protestë para Kuvendit/ Berisha vihet në lëvizje para 11 shkurtit

2023-02-07 12:08:00, Politikë CNA

PD, nesër protestë para Kuvendit/ Berisha vihet në lëvizje

Partia Demokratike pritet të mbaje nesër një protestë para Parlamentit.

Njoftimi është bërë një natë më parë nga kreu i PD-së, Sali Berisha, gjatë një takimi me Lidhjen Demokratike të Gruas.

Berisha ka njoftuar se protesta do të mbahet në orën 10 dhe ka ftuar qytetarët që të marrin pjesë.

Kjo protestë vjen në shenjë reagimi në lidhje me skandalin McGonigal dhe mosdhënien llogari të kryeministrit Edi Rama në Kuvend.

“Të mërkurën në ora 10:00, se detyrat janë të shumta, opozita sakrificë është. Kjo është e vërteta. Nëse do të kishte një emër të dytë, opozitë-sakrificë do të thotë.

Pasnesër ne e kemi thirrur atë në parlament. Ftoj qytetarët e Tiranës, s’ka nevojë nga rrethet që të vijnë aty rreth parlamentit, të jenë aty. Të thonë edhe ata zërin e tyre jashtë parlamentit. Nuk mund ti lihet parlamenti një krimineli si ai. A e vinit re ju, ai vinte në parlament dhe shante në mënyrë më të shpërfytyruar. Asgjë sepse e dinte që ishte më kriminel se çdo kriminel tjetër në këtë vend”, ka njoftuar Berisha një natë më parë./CNA.al





Lajmet e fundit nga