“Opozita e dështakëve”/ Kulluri: Kur do ta japë dorëheqjen Berisha?

2023-05-30 08:55:00, Politikë CNA

“Opozita e dështakëve”/ Kulluri: Kur do ta japë

Sali Berisha

Ish anëtari i Këshillit Kombëtar të PD-së, Edvin Kulluri, pas humbjes në zgjedhjet e 14 Majit, kërkon që ish kryeministri Sali Berisha të japë dorëheqjen dhe të mos mbajë standartin e Lulzim Bashës, i cili edhe pse humbi në seri vijonte të qëndronte në krye të PD-së.

Ai thekson se Berisha ka marrë të njëjtin rezultat si Basha në 2017-ën , ndaj duhet të largohet.

“Këta “udhëheqësit” që humbën garat për kryetarë bashkie në 14 maj a kanë ndërmend të japin dorëheqjen nga kryesia e Rithemelimit?! Apo lëre c’e do?!

Apo standarti Basha “humb sa herë të duash” se të mban Doktori ëshë vendosur njëherë e mirë?! Na mbushën kokën me gënjeshtrën e dekadës se “Bashën e larguam pse humbi 4 herë”, ndërsa tani bëjnë të njëjtën gjë duke konfirmuar gënjeshtrën e madhe!

Kjo papërgjegjshmëri ishte e pritshme pasi kundër Bashës u çuan vetëm pse pezulloi Berishën nga Grupi Parlamentar, se të ishte për humbjet e përqafuan në korrik të 2021 dhe qershorin e 2018! E mbanin në krah si “udhëheqësin perëndimor” që u shndërrua nga Kryetar të PD në Meme!

Po këta “kritikët sezonalë” pse heshtin? Si mundet ti kërkosh largimin Bashës në 2017 pas humbjes katastrofike me 450 mijë vota dhe janë fshehur tani pas 14 majit megjithëse Berisha mori të njëjtin rezultat? Ka një përgjigje dhe për këtë. Jane KCK që duan një vend pune pranë Kryetarit e s’kanë asnë parim moral e politik që ti udhëheqë!”, shkruan Kulluri.

Më tej ka komentuar edhe rikthimin e Lulzim Bashës, duke thënë që një kryetar që nuk mblodhi dot as 2500 delegatë në Kuvend, që u kthye në njeriun e memeve kthehet për të fituar votuesit që nuk mori Berisha.

Sipas Kullurit duhet të presim që Zaho të bëhet me djalë që opozita e dështakëve të fillojë luftën me regjimin.

“Tani të vijmë tek “legjenda nr. 2”! Lulzim Basha “dora vetë”! Një ish kryetar i PD që as një kuvend me 2500 delegatë nuk mbledh dot siç ndodhi në 18 dhjetor! Profesori i humbjeve, trajnuesi i dështakëve, mbreti i memeve kthehet të takoj të rinjtë? Pse? Për çfarë? Për të bërë “gogolin e rithemelimit” për të karikuar ata votues që i kanë mbetur Berishës?

Berisha dhe Basha e dijnë mirë se 450 000+100 000=750 000 janë ushtrim komik matematike!

Të presim të bëhet Zaho me djalë që këta të “fillojne luftën me rregjimin” në 2073!

Suksese në jete dhe të na rrojë opozita e dështakëve!”, e mbyll postimin e tij Kulluri./ CNA.al