Festoi humbjen e PD-së në 2021/ Motra e deputetit të Bashës: Ne kemi më shumë potenciale se Rikthemelimi

2023-02-25 09:57:00, Politikë CNA

Festoi humbjen e PD-së në 2021/ Motra e deputetit të Bashës:

Mirlinda Çollaku e grupit të vulës, e cila luan rolin e kryetares së së degës numër dy në Tiranë, ka deklaruar se grupimi Alibeaj ka shumë emra dhe potenciale që do ta përfaqësojnë në këto zgjedhje.

Ne MCN tv, ajo ka thënë se ndryshe nga pjesa e Rithemelimit nuka kanë nxituar t’i hedhin benzinë zjarrit dhe të dalin që ditën e parë me kandidatë për të bërë fakt të kryer përçarjen.

Çollaku e cila e festoi humbjen e PD-së, në vitin 2021, se do të bëjnë të gjitha përpjekjet deri sa të skadojë afati zgjedhor që PD të shkojë e unifikuar në zgjedhje.

Kujjtojmë se Partia Demokratike, në degën numër 2 e festoi humbjen duke ngrënë e duke pirë me këngë e valle, pas zgjedhjeve të 25 prillit,

Edhe pse PD në total kishte 15 mandate më pak dhe 140 mijë vota më pak se PS, apo 240 mijë vota më pak e djathta se e majta e dogji duke festuar dështimin

Dega numër 2 PD në Tiranë, e cila drejtohet nga Mirlinda Çollaku, motra e deputetit të zgjedhur Kreshnik Çollaku, e festuar dhe më pas fotot i kanë shpërndarë në rrjetet sociale, siç do ta shihni në shkrimin e mëposhtëm.

Foto-PD feston humbjen/ “Djegin” Tiranën duke kërcyer e kënduar
7 Maj, 11:11

Deklarata e plotë e Çollakut:

Besoj që është koiçidencë përkimi i datës 3 mars, që është dita kur pritet të jepet një vendim përfundimtar nga Apeli lidhur me statutin që do mbetet në fuqi, organet drejtuese të PD, por aktiviteti politik i PD sidomos në prag të fushatës, është një ngjarje rutinë. Muaj më parë ka nisur riaktivizimi pas një periudhe shumë të gjatë heshtje dhe pauze që ne e kemi lënë të rrjedhë që të shkonim drejt një shuarje të konfliktit të brendshëm. Por për asnjë moment s’kemi pasur si qëllim të shuajmë PD-në. Para disa muajsh është mbledhur Kolegji i Kryetarëve, ku ka pasur një vendimmarrje, së bashku me Kryesinë për t’u përgatitur për procesin zgjedhor.

Kemi përgjegjësi të madhe dhe historike, nuk mundemi në asnjë rast të lëmë PD-në jashtë zgjedhjeve. PD, emri i saj që përkon me krijimin e demokracisë në këtë vend. PD, logoja e saj patjetër do jetë pjesë e zgjedhjeve. Do futemi me ambicie të fortë sepse në zona të caktuara do kemi dominancë, siç ka zona që do na krijojnë problematika të mëdha. Si në si ajo pjesë që militon te Foltoroja. Që kjo do jetë përgjegjësi e madhe për të dy palët, padiskutim do të jetë. Jo më kot, gjatë kësaj periudhe kemi bërë thirrje në mënyrë të vazhdueshme që duhet të gjejmë gjuhën për t’u bashkuar. Nuk kemi ardhur nga hiçi në këtë ditë. Kanë pasur shumë ngjarje. 6 marsi tregoi qartazi që të ndarë do kishim një problem të madh.

PD ka padiskutim shumë emra dhe potenciale që do ta përfaqësojnë në këto zgjedhje. Ndryshe nga pjesa e Rithemelimit s’kemi nxituar t’i hedhim benzinë zjarrit dhe të dalim që ditën e parë me kandidatë për të bërë fakt të kryer përçarjen. Ne do bëjmë të gjitha përpjekjet deri sa të skadojë afati zgjedhor që PD të shkojë e unifikuar në zgjedhje. Nëse ashtu siç gjasat janë, z.Berisha e ka nisur udhëtimin e tij i vetëm, bashkë me Partinë e Lirisë, PD do të shkojë në zgjedhje me kandidatët e parë dhe duke dhënë një model ndryshe. Nuk e kemi kundërshtar apo armik Berishën, pasi kemi një që është Rama. Por procesin e brendshëm të PD e pengon z.Berisha këtë moment. Nuk pres asgjë nga gjykata veçse të zbatojë ligji. Procedura dhe dokumentacioni, që pasojnë me vendimin e gjyqtarit Zhukri janë të pavlefshëm. Besoj që të dyja palët kanë qenë të interesuara, gjykata e ka mundësinë që ta gjykojë edhe në themel çështjen. Ne qëndrojmë atje ku është PD. Sido të jetë rezultati i vendimit të Apelit ne do qëndrojmë në PD. Unë do qëndroj në PD. Do vazhdoj t’i bëjë thirrje pjekurisë së z.Berisha që të hapë rrugë që PD të jetë fituese. Nëse gjykata vendos që institucionet e ligjshme janë këto që janë sot, të gjithë demokratët duhet të kthehen në PD dhe të shmangin një katastrofë”.